Номт Иван Борисенкон санлд нерәдгдсн асхн болв
Эн өдрмүдт танһчин нертә номт Иван Борисенко далн нас зүүх бәәсмн. Энүнә сурһульчнр, хамдан көдлж йовсн әмтн санлын асх бүрдәж давулв. Иван Борисенко туужин тускар нәәмн дегтр бичсмн. Тер тоод Хошуда хурл, хальмгуд орсин дүрслгч искусствд нертә дегтрмүдиг олн әмтн дурлж умшдг бәәсмн, көдлмштән олзлжана. Гуманитарн шинжлт кедг Хальмгин институтд туужин әнгин номин ах көдләч болж көдлсн кемд Иван Борисенко байн дамшлт хоршав. Олн жилдән көдлсн ашт “Очерки исторической географии Калмыкии” нертә дегт һарв. Билгтә номт олн-зүсн нарта-делкән номин форумд орлцв, Президентин мөрән лауреат болв, депутат болж сунһгдв. Онц темдглхд, давсн жилин зунар Иван Борисенкон көвүнь эцкиннь хуранһуһас йисн зун нег дегтр библиотект белглв. Ода эн дегтрмүд шинжлж хәләгдәд, диглгджәнә. Энүнә хөөн энүг умшачнр умшж чадх.
