Нарта-делкән автопробег Элст балһснд ирв
Июлин хөрн хойрла Улан-Удэ балһснас һарч йовсн нарта-делкән автопробегин орлцачнр давсн бембә өдр Элст балһснд ирв. Энүнд нурһлж күүкд улс йовна. Олн келн-улсин нүүсн алдр замар автопробегин орлцачнр ут-тоодан дөрвн минһн дуунад йовж. Амр Санана нертә библиотект Бурятия — хранительница тайн империи Гуннов нертә һәәхүл үзүлгдв, уул балһсн нертә төсвин тускар олн улс медж авв. ООН-на ниицәнә зуульчнрин клубын президент Дина Пурбоеван келсәр, Бурятин хотл балһсиг уул һунн улс тогтав гиж номтнрла хамдан Улан-Удэ балһсна һардвр герчлх саната. Ода Бурятин республикин аһуд хуучн кезәнк сойлын зун бумб бәәнә. Тегәд туристическ аһуд иим туужлгч һазр олн улс сонбн болх. Энд хойрдгч-дөрвдгч зун жилин һуун келн-улсин археологин бумб медүлгч шивә бәрх зура бәәнә. Тер мет энүнд иалдан чигн көдмш кегдх. Автопробегин орцлачнр цуг эн тоотыг Венгрьт бас үзүлх саната. Тенд августын арвнд нарта-делкән сьезд болх.
