14 мая 2013, 15:22
Медицинск эгчнрин сән өдрт темдглгджәнә
Жил болһн май сарин арвн хойрт медицинск эгчнрин сән өдрт темдглгднә. Дигтә эднә дөнгәр кесг улсин эрүл-менд батруллгдна гихлә чик болхмн. Баснга Баатрин нертә келн-улсин театрт байрин хург болв. Әрүн цаһан седклән тәвж, олн-әмтнә эрүл-менд харлһнд тәвцән орулдг кенсг медицинск көдләчнр күндлһнә һашгар болн мөрәһәр ачлгдв. Байрин орлцачнриг медицинск колледжин оютнр йөрәһәд, билг-эрдмән үзүлв.
Байрин йовудин эргцд медицинск эгчнрин дунд марһан давв. Диилвр бәрсн медицинск көдләч Әрәсән өмн үзгин медицинск көдләчнрин марһанд орлцх зөв авхмн. Эн марһан июль сарин эклцәр Ахш балһснд давхмн.
