Мана танһчд билгтә-эрдмтә баһчуд олн
Мана танһчд билгтә-эрдмтә баһчуд олн. Школдан сурчаһад көгжмин сурһулин заведеньд авсн билгән баһчуд цааранднь гүүдүләд седклдән тааста эрдмәрн гүн медрл авхин төләд деед сурһульд сурцхана. Тиим билгтә баһчудын негнь Босхмжин Диана.
Эндр өдр Босхомжин Диана Әрәсән гнесина нертә көгжмин академин оютн. Энүнлә хамдан Келн улсин дууна әнгд Башкирәс, Украинс, Сиврәс ирсн һурвн күүкн сурһуль сурчана. Өдр болһн эдн философия, психология, туужин, сольфеджио, гармония болн фортепьяно кичәлмүдт орлцад медрл авна.
Баһ наста билгтн амрлһна өдрмүдт энкр багшан Овьянова Алима Мутуловнаг үзхәр ирнә. Хамдан эдн кесгтән күүндәд, дассн дууһан сергәһәд дуулна.
Дәкәд болхлаг Босхомжин Диана Петр Чонкушовин нер зүүжәх көгжмин училишд давулдг товчлгч концертд дангин орлцад билг эрдмән үзүләд дөн нөкдән күргнә. Жил болһн альвн харадас нертә студиг болн көгжмин училишиг төгсәсн көвүд күүкд талдан балсһд одад сурһуль сурад билг эрдмән үзүләд йилһән сән сурһульчнрин тоод орна. Билг эрдмән үзүлсн деерән эн баһчуд өөрхн элгн садан байрулж хальмгин нериг холд туурулж йовна.
Аджин Светлана, Жамбин Дмитрий
