Көтчнрә районд махна комбинат тосхгджана
Тадн танһчин зәнг шуд эфирт хәләжәнәт. Һарцан цаарандан өгчәнәвидн. Ода талдан төрмүдин тускар. Көтчнрә районд махна комбинатын тосхлт цаарандан кегджәнә. Шин обьект иргч жилд эдвлрт орулгдх зөвтә. Давсн амрлһна өдрмүдт Хальмг танһчин толһач Алексей Орлов тосхлтын йовудар соньмсад, Көтчнрә районд одв. Энүнә тускар мана сюжетд келгджәнә.
Тосхлтын йовуд гүргүдән. Энүнд танһчин толһач Алексей Орлов ил герч болв. Эндр өдрт энд административн гермдүин эрсн тосхгджана, талдан чигн көдлмш кегджәнә. Ода тосхачнр томр конструкциг углж тәвжәнә. Ут-тоодан нааран күсдундур тонн томр конструкц авч иргдх. Шин тосхгджах махна комбинатд өдртән дөрвн зун толһа бод мал эд-бод кегдх. Энд хойр зун хөрн көдләч көдлхмн. Производлстенн оборудованиг олн-зүсн Европин орн-нутгудас авч ирхмн. Бод малын һадр махн эд-бод кегдәд, яснаснь махн салһгдад, бичкн кемжәһәр хувагдх. Ода электрокүчәр тетклһнә залһлдан белн болв. Энүнд сунһуг татгдв, герин ул тосхгджана. СНХ Бифт-арт акционерн ниицәнә күцәгч директор Михаил Поляковин келсәр, ода комплексин колонн тосхачнр кежәнә. Энүнә хөөн энүнә залһлдан кегдх. Эн көдлмш кехин төлә күсдундур-хойр сар кергтә болх. Томр конструкц бәрлһнә хөөн, комбинатын эрсинь углж тәвх кергтә. Энүг тәвсн хөөн, гер дарунь босх.
Тосхлтын көдлмш темдглсн зураһар кегджәнә. Тосхлтын көдлмш кехин төлә күсдундур жува арслнг йилһж өггдв. Россельхозбанкин Хальмгин филиалын директор Владилен Васильевин келсәр, махна комбинатын тосхлтын йовудт кегджәх көдлмш бүрткж хәләгджәнә, йилһж өгсн мөнгн яһж олзлгджахнь бүрткжәнә.
Банкин хальмгин филиалын директор Владилен Васильевин келсәр, эндр өдрт нәәмн зун сай арлснг йилһж өггдв. Ут-тоодан комбинатын тосхлтын төлә хойр жува долан зун тәвн сай арслнг олзлгдх. Мөнг йилһж өглһн темдглсн зураһар кегджәнә. Тосхлт темдглсн болзгт төгсх гиж санжана.
Специалистнрин келсәр, ода тосхлтын хамгин күнд көдлмшнь кегдв. Энүнд бат ул тосхгдв. Энүнә дор коммуникац болн олн-зүсн залһлдан бәәнә. , урвн минһн свай цокж орулгдв. Производственн цехмудын болн административн герин зун тәвн бахн булгдж тәвгдв. Энүнә хөөн махна комплекст кергтә коммуникац татгдх, оборудовань углж тәвгдхмн. Тосхгджах обьект хәләснә хөөн, Алексйе Орлов көдлмшин йовлһна аш диглв.
Танһчин толһач Алексей Орловин келсәр, көдлмш сән йовудтаһар кегджәнә. Төмр конструкц невчк оратад ирв. Ода эн төр хаһлгдв. Цдл уга күсдундур тонн томр конструкц ирх зөвтә. Тосхлтд учрдг боомтг уга. Киитн иртл комбинатын эрснь тосхгдх, тосхачнр ораһинь төгсәх саната. Тосхачнр темдглсн зураг күцәх гиж нәәлжәнә. Цуг көдлмшт зураһар кегджәнә.
Дәкәд нег тодлад келхлә, агропромышленн комплекс тхвн гектар аһу эзлжәнә. Энүнд махна комбинат, мал бордлһна плошадкс болн талдан чигн продукц эд-бод кедг цехмуд көдлх. Энд дегц зурһан минһн толһа бод мал асрж болжана.
