Көтчнрә района Алцнһуд селәнд нәәмн өрк-бүл шин бүүрт нүүж орв
Һарцан цаарандан өгчәнәвидн. Баһ наста өрк-бүлмүдиг бәәдг гермүдәр тетклһнә программар Көтчнрә района Алцнһуд селәнд нәәмн өрк-бүл шин бүүрт нүүж орв. Федеральн программар поселкин һардвр хойр шин гер тосхв. Шин бүүрт нүүж орсн улсиг мана зәнгч Аджин Светлана йөрәв.
Көтчнр района Алцн Хута селәнд нәәмн өрк бүл шин патьрта болв. Теднә негнь Санжин Алексейин өрк бүл, Алексей олн жилдән селәнд механизатор болж көдлжана. Ода шин патьр авсндан энүнә өрк бүл ик байрта бәәнә, тер юнгад гихлә урд жилмүдт эдн эк-экнрин герт хамдан бәәдг билә, ода болхла һурвн хората патьр авв.Эн патьриг авхд федеральн программ дөн болв, эн өрк бүллә хамдан дәкәд тиим долан өрк бүлмүд орв. Авальнь Санжин Татьянан келсәр мана гер дулан, көк түлә цаглань орулв, күүкн көвүнь эврә хората. Эн өдрмүдт эн күүкд күн селәнә ахлачнрт ханлтан өргжәнә, тер юнгад гихлә нег жилин эргцд эдн шин гертә болв. Эн федеральн программмар болхла хамгин түрүнд гер уга орк бүлмүд, дәкәд болхлаг олн жилдән селәнд көдлж йовх көдләчнрт өггджәнә. Селәнә һардвр эндр өдр бас байрта бәәнә, баахн өрк бүлмүдиг шин гер көдлмш, цаглань жалвнь өгхлә селәнд бәәсн баһчуд нүүж һаршго. Дор ормдан көдләд, өрк бүлән тогтаһад, үрдүдән һарһад селәнә эдл аху босхлһнд ик тусан күргх.
