• ВЕСТИ
  • МЫ ВМЕСТЕ 2020
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Коммунальн туслмжин социальн кемжән хойр жил болад орулгдх

Уудг усна, газин болн дула өглһнә халхар социальн кемжә орулһна шиидвриг Әрәсән правительств зогсав. Коммунальн туслмж олзлһна кемжә орулхин төлә хамгин түрүнд танһчин әмтн гермүдтән онц тооцана прибормуд углж тәвх зөвтә. Усар тетклһнә халхар болхла, зәрм мөнгнә данцалһн кегджәхш. Электрокүчнә халхар социальн кемжән Хальмгт хойр минһн арвн зурһадгч жилин июль сард орулгдх.

Хойр минһн арвн хойрдгч жилд Әрәсән правительствин шиидврәр ЖКХ-н туслмжд социальн кемжән орулгдх. Государствин тоолврар, иим кевәр эдләчнр электрокүч болн талдан чигн туслмжиг әрвлж олзлх гиж күләгджәсмн. Тер мет электрокүч болн талдан чигн туслмж өгчәх предприятьмуд олн улсин коммунальн туслмжин мөнгиг данцадг билә. Энүнә ашт промышленн эдләчнрин тарифн мөнгн баһрх зөвтә бәәсмн. Түрүн авгтан электрокүч олзлһнд социальн кемжән орулгдв. Дамшлтын кергт кесг регионмуд орлцв. Ода иим кевәр арвн негн регион көдлжәнә. Талдан субьектмуд хойр минһн арвн зурһадгч жилин июль сар күртл ухалад шиидвр батлж авх зөвтә бәәсмн. Иим зөв олн регионмуд олзлв, тер тоод хальмг танһч. Талдан халхар уудг усар болн газар тетклһнд социальн кемжәг эн жилин июль сард орулх зөвтә билә. Болв Әрәсән правительств эврәннь зурадан сольвр орулжана. Әрәәсн премьер-министрин закврар, дула өглһнә болн газар олзлһна халхар социальн кемжә орулһиг зогсав. Уудг усна халхар болхла ирлцнүһ керг-үүлдвриг эн жилин чилгч күртл хооран саах шиидвр авгдв.

Хальмг танһчин тарифмудын церглтин ахлачин дарук Николай Басацкий келсәр, туслмжин кемжәг чикәр тоолхин төлә иим болзг өггджәнә. Әмтн онц тооцана прибормуд углж тәвх зөвтә. Әрәсән Росстатын то-дигәр, ода иим прибормуд тәвсн гермүдин то тәвн долан процент тогтажана. Хальмг танһчд бәәдл гем уга сән. Далн процент тогтажана.

Газар тетклһнә халхар болхла онц тооцан прибормуд углж тәвлһнә халхар күнд бәәдл тогтв.

Хальмг танһчин тарифмудын церглтин ахлачин дарук Николай Басацкий келсәр, хойр минһн арвн һурвдгч жил күртл тосхгдсн цуг хуучн гермүд дула өглһнә тооцана прибормуд тәвдг арһ уга. Тер мет газин прибормуд бас углж тәвхд күн болжана.

Электрокүчәр тетклһнә халхар болхла шин зокал үүлдврт орулгджана. Энүг ода кесг регионмуд олзлжана. Тенд эдләчнр кесг тарифмудар мөнг өгчәнә. Хамгин баһ кемжәнь — социальн кемжәһәр, хамгин ик тарифар — кемжәнәс икәр электрокүч олзлснд мөнг өгх кергтә. Регион болһн социальн кемжәг эврән тогтана. Хальмг танһчд иим тооца бас кев. Нег күүнд электрокүчнә кемжән зун жирн негн киловатт тогтажана.

Танһчин толһач Алексей Орловин келсәр, хам-хоша бәәх Ростовск областьла дүнцүлхлә, иим емжән мана танһчд ирлцжәнә. Болв региона толһачин тоолврар, иим кемжә орулхдан адһад керг уга. Ода мана танһчд коммунальн залһлдан хуучрв. Энүг ясж шинрүлхин төлә цаг кергтә.

Танһчин толһач Алексей Орловин келсәр, бидн әмтн батлһ Өгх зөвтәвидн. Эн халхар государств дөн күргх зөвтә. Тегәд эн шиидвриг хйор жилд хооран саах зәрлг батлж авгдла. Хойр жилин эргцд әмтнд цуг белдврин көдлмш кех арһ өгх кергтә. Эн жилин хаврар Элст балһсна администрац эн туст көдлмш күцәх даалһвр өггдв. Тер мет инвестормудыг хәәж авх кергтә.

Эн халхар күцәх керг-үүлдврмүдин зура темдглж авгдв. Алексей Орловин иткүлсәр, иим көдлмш Элст балһснд эклв. Электрокүч олзлһна халхар социальн кежә орулһна көдлмшиг хальмг танһчд хойр минһн арвн зурһадгч жилин июль сарас авн күцәх.

Чучян Валентина, Котина Валерий

 Смотрите наши видео на YouTube!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия