9 декабря 2011, 16:44
Иргч жиләс авн коммунальн туслжмин кемжән сольгдх
Иргч жиләс авн коммунальн туслжмин кемжән сольгдх. Шин зокалар әмтн усна, газин, электрокүчнә болн талдан чигн туслмжин мөнгиг салу өгх. Онц патьрин болн цуг герин туслжмин мөнгиг салу өгх кергтә. Әрәсән региональн делгрлтин министерств квитанцин шин янз кев. Шин документд туслжмин ямаран мөнг өгчәхнь тодрхаһар бичгдх. Шин жилин байрин өмн өргнд Элст балһсна улст му зәнг ирв. Эн өдрмүдт коммунальн туслмжин мөнг авдг расчетн цутхлнгудт олн улс цуглрад, ямаран мөнг болн юуна төлә иим ик мөнг авчахин тускар сурвр тәвж үүмжәнә. Элст балһсна нәәмдгч микрорайона әмтн бас эн төрәр ик үүмәтә бәәнә. Эднә келсәр, коммунальн туслмжин мөнгн эн сард хойр-һурвн холванд өсв.
