Ик Царнг селәнә улс уудг усар теткгдх

Октябрьск района цутхлнг Ик Царнг селәнә улсиг удл уга цевр сән чинртә усар теткх. Хойр минһн нәәмдгч жилд “Юг России” программар энд усна сурвлжн экләд тосхгдв. Энүнә төлә зун найн дөрвн сай арслнг йилһж өггдв. Ода цеврлһнә сооруженьс тосхлһна көдлмш төгсжәнә.

Энүнд хойр цамхаг бәәнә. Энүнд цамхаг болһнд зун найн кубическ метр усн орна. Эн ус цеврлдг сооружень “Исток 800” гидг нертә. Эндәс сурвлжар цевр усн Ик Царнг селәнә улст өггдх. Сән чинртә уудг усн эн жиләс авн ирх.

Тосхлтын болн монтажн көдлмшин эрдмч Инжа Омшановин келсәр, цувгас му чинртә усн орж ирнә. Тегәд энд цеврлһнә сооруженьс кергтә. Иим cооружнь "Исток 800" нертә. Энүнә дөнгәр ус цеврлгдәд, сән чинртә болх. Зуг энүнә хөөн ус селәнә услт өггдх.

Усна сурвлжна тосхлтын көдлмш һурвн девснгәр хувагдв. Эннь ус хадһлдг сав тосхлһн, ус цеврлдг сооружень болн усна сурвлж татлһна көдлмш кех кергтә. Ус хадһлдг савд нег кубическ метр усн орна. Әмтнд ус өгхин ормд энүг цеврлх кергтә. Зуг цеврлснә хөөн ус селәнә улст өгч болх. Усна сурвлжна тосхлтын көдлмш хойр минһн нәәмдгч жилд эклсн билә. “Юг России” нертә программар энүнә төлә зун найн дөрвн сай арслнг йилһж өггдв.

Октябрьск района архитектор Владимир Малыхина келсәр, өдгәц агт цуг көдлмшин түрүн девснгнь төгсв. Ода һурвдгч девснгин көдлмш кегдх. Эннь усна сурвлжн Ик Царнг селәнд татгдхмн. Ут-тоодан һучн дууна сурвлжн кегдх. Ода болхла нәәмн дуунад сурвлжн татгдв. Хойрдгч девснг Мирный болн Восход селәдт кегдх.

Иргч жилд уудг усар Мирный болн Восход селәдин улс теткгдх. Эн цаг күртл усна сурвлжн эн селәдт белн болх зөвтә.

Елена Алексенко, Хавтхна Элла