Юридическ дөн өнгәр күрггджәнә
Өдгә цагт күн болһн өөдән эрдмтә юрист эс гиж адвокатд одад, эврәннь зөвән харсж чадшго. Зәрмдән цәәлһвр авсн төлә ик мөнг өгх кергтә болна. Эн жил танһчин әмтнд дөн күргхин төлә региональн правительствин шиидврәр өнгәр юридическ туслмж күргдг государственн бюро бүрдәгдв. Эн жилин дөрвн сарин эргцд цуегрлтд һурвн зун күн ирәд өнгәр юридическ дөн авв.
Шин юридическ бюрон специалистнр өнгәр юридическ цәәлһвр, жилишн болн өрк-бүлин туск зүткәтә төрмүд, эдләчнрин зөв харслһна төрмүд хаһлхд улст дөн күргжәнә. Пенсионерк Раиса Сабелло нааран герин төр хаһлхар ирж. Специалистнр энүнд тодрха цәәлһвр өгв, тер мет орулж өгх тодрха списк белдж өгв.
Раиса Сабелла келсәр, хотл балһсна цуг һардачнрт одв. Зуг энүнә төр хаһлгдсн уга. Газин турва энүнә герәр давж һарчана. Энд эүнүнә нег чигн прибор уга. Бүкд жилдән эн төриг хаһлхар гүүжәнә.
Элст балһсна күүкд күн Алимпиада Гермашева юридическ бюрон тускар генткн санамр угаһар медж авч. Ода болхла өөдән мергжлттә юристнрас дөн автн гиж нәәмжнртән болн таньдг улстан селвг өгнә. Пенсионеркин келсәр, юридическ нәрн төрмүд хаһлхд болн күнд жанһрта төрмүд хаһлхд специалистнр ик нөкд болна. Энүнә керг ода зарһд йовулгдв.
Алимпиада Гермашеван келсәр, эмнүлин тапочк нәәмн минһн зун арлснгар хулдж авч. Түрүләд долан минһн зун арлснгинь өгч. Нег минһн күүктәһән селвлцәд өгхәр седж. Өрүн участкин полицин көдләчлә хамдан ирж. Зарһд одх кергтә болв. Шин церглт пенсионер ултс сән нөкд болжана. Эннь йир сән керг.
Бюрон специалистнр ода зәрм категорин улст юридическ халхар дөн күргжәнә. Эннь төрскән харсгч дәәнә ветеранмуд, цуг багмудын инвалидмуд, олн үртә өрк-бүлин гешүд, өнчн бичкдүд, көдлмш уга бәәх пенсионермуд болн бәәдл-жирһлин хамгин баһ кемжәнәс бичкн орута өрк-бүлмүдин әмтн. Талдан чигн категорин улст нөкд болжана. Эдн цугтан кергтә цәәлһвр өнгәр авч чадх, тер тоод эрлһ бичж өглюһнд болн талдан чигн юридическ документ бичлһнд дөн күргжәнә.
Хальмг танһчин государственн юридическ бюрон директор Саглр Шанаеван келсәр, ода әмтн нурһлж жилишн төрәр, эзнә медлд орулһна, һазрин зөвин тускар, коммунальн туслмж күрглһнә тускар эрлһ орулж өгчәнә. Цаһан Амн селнәд нег дәкж юридическ дөн күрггдсн уга. Эннь май сарас авн август сар күртл цуг танһчар иим йовдл учрв. Элст балһснд дөчн эрлһн орж ирв. Район болһнд юристнр бәәнә. Юридическ бюро ода социальн харслтын әнгиг герт бәәршлжәнә.
Өнгәр дөн күргдг юридическ бюрон специалистнр күн болһн онц оньг тусхана. Тер мет энүнә специалистнр ахр болзгт әмтнә орулж өгсн эрлһ ханһаж, чеерүд тогталго көдлхәр шунжана.
Ээнән Делгр, Котина Валерий
