Игорь Зотов Хар Һазра районд одв
Хальмг танһчин толһач Игорь Зотов Хар , азра районд көдлмшин кергәр одв. Түрүләд премьер Первомайский селәнә социальн обьектмуд хәләв. Бәәрн бичкдүдин садт ораһинь шинрүлж ясх кергтә. Эн жилин чилгчәр ясврин көдлмш кехин төлә Адг селәнә бәәрн бюджетас кергтә мөнгн йилһж өггдх. Селәнә школд болхла терз сольгдх, шин мебель хулдж авгдх. Энд агроклассин улд сурһулин эдл-аху бүрдәгдв, теплиц көдлжәнә. Энүнд сурһульчнр олн-зүсн күльтур урһаж авлһна дамшлт хоршажана. Тер мет Игорь Зотов ус цеврлһнә сооружень хәләв. Комсомольский селәнд болхла гимназин гер яслһна көдлмш удандан кегджәнә. Сурһулин шин жил күртл энд зун далн нәәмн шин пластикин терз углж тәвх кергтә. Энүнд һурвн бригад көдлжәнә. Дала цаг үлдсн уга. Сурһулитн шин жил күртл цөн өдр үлдв. Бәәрн сурһульчнр сентябрин хойр шинлә школдан орж чадх гиж бәәрн һардачнр премьер-министриг иткүлв.
