Игорь Моисеевин нер зүүжәх государственн академическ ансамбль 75 жилин өөнән темдглжана

Эн өдрмүдт нертә Игорь Моисеевин нер зүүжәх государственн академическ ансамбль далн тавн жилин өөнән темдглжана.Эн өөнлә ирлцүлж Москва балһснд олн керг үүлдврмүд давулгджана. Энүнд болхла олн регионмудас нертә коллективмуд орлцжана. hучдгч жилмүдт нертә хореограф Игорь Моисеев хальмг улсин би тәвсн .Эндр “Бамб цецг” ансамбль Москва балһснур һарч йовв.

Нертә хореограф Игорь Моисеев хальмг бииг хамгин түрүнд тәвсмн, эн би болхлаг дәәнә өмн тәвгдсн билә. Түрүн болж нертә билгтә хореографла Валерий Эрдниеевин эцкнь Борис Дорджи Горяевич харһв.

Кесг жил давад Валерий Борисович Игорь Моисеевла харһв. Тер харһлтт эндр өдр чигн ухандм бәәнә. Игорь Алесандрович мана биид дурта билә, тегәд цугинь бичж авд бәәсмн.

Харһлтын хөөн бидг кесгтән дуһардг биләвидн гиж маднд ансамблин һардач келв. Игорь Моисеев хальмг улсин тууж, авьяс заншал, хальмгудын байрин тускар олн әмтнәс сурад, медж авдг бәәсмн.

Далн тавн өөнин байрт нерәдгдсн керг үүлдврмүдт мана ансамбль кесг би Москва балһсна әмтнд үзүлхәр бәәнә. Энүнд болхла, Хамгин түрүнд эдн эврәннь программан нертә хореограф Игорь Моисеевин тәвсн бииһәд эклхәр бәәнә.

Аджин Светлана, Ээнән Делгр, Колдан Церн