Хол селәдин әмтн түргн интернет олзлжана
Хол селәдт түргн интернет ирв. Әрәсән Президентин даалһвр күцәгджәнә. Комсомольский селәнд өдгә цагин некврлә ирлцәтә волоконн-оптическ залһлдана систем орулгдв. Иим эв-арһ талдан залһлданас кесг холванд сән болжана. Удл уга шин систем Хар Һазра района талдан чигн селәдт бас ирх.
Ода района цутхлнг селәнд нег минһн хойр зун эзнә гер бәәнә, тәвн зун тәвн күн телефо орулв. Тавн жилд хоооран бәәрн улс интернет олзлдг болв. Тиигхд советин йосна цагт татгдсн хуучн сунһуг кергтә болв. Тер цагт зуг зун өрк-бүл интернетар көдлдг билә. Тер мет иим эв-арһ дегд сәәнәр көдлдг бәәсмн. Ода болхла района цутхлнг селәнд волокон-оптическ систем углж тәвсн хөөн, хойр холванд нарта-делкән залһлда олзлдг улсин то хойр холванд өсв. Иим системин нилчәр интернетын чинр сән болв, түргн кевәр иим залһлда олзлх арһ учрв, кесг сай холванд икәр зәнг йовулж болжана. Ода иим интернет нег секундт хөрн мегабит йовулж чаджана. Талданар келхлә, интернет олзлжах цуг әмтн дегц системд орж көдлж чадхмн. Эн залу күүнә келсәр, оптико-волоконн систем орулснь ик байр болв. Ода кино хәләж болх. Ода бичг бичхд амр болв. Эрәннь нәәжнрән скайбар үзәд күүнджәнә. Ода интернетын чинр сән болв. Сән халхар сольвр болжана.
Наталья Габунова бәәрн сойлын герин директор болж көдлжәнә. Энүнд интернет гертнь болн көдлмштнь бәәнә. Иим эв-арһ угаһар өдгә цагт көдлж болх. Элст балһснд сурчах көвүнлә күүндх кергтә болна, көдлмшин халхар чигн олн-зүсн зәнг авх арһ учрв, талдан чигн хәрлцә тогтаж болх.
Района сойлын герин директор Наталья Габунован келсәр, иим түргн интернет ирсн хөөн, Әрәсән талдан ик балсһсдын улсла әдл таалта болв. Ода интеренын чинр ясрв, урднь кесгтән күләдг бәәж. Кесг цаг үрдг билә, ода болхла цөн секунд кергтә.
Хар һазра района администрацин ахлачин негдгч дарук Дорж Мушаевин келсәр, өдгәц агт электронн правительств бүрдәгджәх кемд сән чинртә интернет йир кергтә болх. Иим эв-арһин нилчәр селәнә улсин бәәдл-жирһл ясрх, кесг әмтн эврәннь төрмүдән амрар хаһлж чаджана. Хар һазра района муниципальн бүрдәцин толһачин негдгч дарук Дорж Мушаевин келсәр, интернетын дөнгәр ямаран чигн хол һазрт зәнг йовулж болх, нег үлү иим көдлмш дегд түргәр кегджәнә. Эннь селәнә улст ик дөн болв.
Интернет залһлдан сән чинртә болсн деерән, шин телекоммуникационн эв-арһин нилчәр телефон залһлдана көдлмш бас ясрхмн, тер мет интерактивн телеүзүлвр көдлх. Иим кевәр сән чинртә цифрин системар зун тәвн канал хәләж болх, тер тоод эн жилин чилгчәр хальмгин телеүзүлврин сонсхврмуд хәләх арһ учрхмн.
“Ростелекомин” хальмгин филиалын директор Арслнг Корняковин келсәр, шин интернет орулж авх мөнгн цуг һазрт әдл. тер мет өдгә цагин телеүзүлврин мөнгн бас цуг регионмудт әдл болж һарчана.
Өдгә хальмг танһчин цуг райодын цутхлнг селәдт оптико-волоконн систем орулгдв. Ода Комсомольский болн Ик-Буурл селәдт иим өдгә цагин некврлә ирлцәтә эв-арһ татгдхмн. Тер мет танһчин холл селәд-поселкст бас иим систем көдлх. хальмг танһчин зун арвн дөрвн селәнә муниципальн бүрдәцәс һучн хойр селәнә әмтн иим эв-арһ олзлжана. Иргч жилмүдт шин систем танһчин цуг селәдт күрх зура бәәнә.
Татьяна Зубцова, Хулхачин Николай
