Хазгудын мөрнә экспедициг Цаһан Амнд тосж авв
Үстин района цутхлнг Цаһан Амн селәнд Астраханск областяс хазгудын мөрнә экспедиц тосж авв. Иим керг-үүлдвр түрүн болж бүрдәгджәнә. Энүг төрскән харсгч дәәнд диилвр бәрснә жирн нәәмдгч жилин өөнд нерәдж давулжана.
Ушаковка, Солодники, Вязовка, Ступино, Поды, Старица, Зубовка, Черный яр. Иим селәдәр хазгудын экспедицин маршрут давж һарв. Хальмг танһчин Цаһан Амн селән мөрәр йовлһна хаалһин дигтә өрәлнь болв. Лайф танһчин правительствин ахлач Игорь Зотовин келсәр, алдр Диилврин байр, хазгуд. Эдн цугтан хазгудын баатр-зөрмг йовдл герчлжәнә. Әрәсән туурмжин туужин нег халнь болжана.
Иим керг-үүлдвр сүл зун жилин эргцд түрүн болж бүрдәгдж давулгдв. Экспедицин хаалһ хальмг танһчин аһуһар давж һарснь бас учрта. Хальмг улсин болн хазгудын иньглт ут болн байн туужта. Хальмгин хазгуд оньдин түрүн полк экләд тогтаснас авн Астраханск хазгудын цергин ханьд ордг бәәсмн. Хальмгин цергчнр Әрәсән цуг дәәәнд орлцад, төрскн һазран баатр-зөрмг кеәвр харсж авсмн.
Астраханск областин правительствин ахлач Константин Маркеловин келсәр, хазгудын экспедиц алдр Диилврин жирн нәәмдгч жилин өөнд нерәдгдв. Энүнә йовудт кесг селәд-поселкс давж hарч. Төрскән харһсад әмнәсн хаһцсн улсин санл тодлад, дәәнә цуг баатр-зөрмг орлцачнриг күндлж күцәжәх керг-үүлдвр болжана.
Экспедицин гешүдиг күндлж тосж авсна хөөн, харһлтын цуг орлцачнр гейүрджәх экин бумбд одад, цецгүд тәвв, әмнәсн хаһцусн дәәчнрин санл тодлв. Энүнә хөөн Цаһан Амна паркд концерт болв. Энүнд хазгудын хор болн Зултрһн ансамбль билг-эрдмән үзүлв.
Цаһан Амн селәнә бәәрн улст болн гиичнрт эн өдр йоста байр болв. Эн күүнә келсәр, иим керг-үүлдвриг дөннжәнә. Иргчдән эн халхар үзмж бәрхинь дурджана. Эн күүнә темдглсәр, Цаһан Амн селәнә туужд түрүн болж хазгуд иржәнә. Эдн алдр Диилврт эврәннь керг-үүлдврән нерәдв.
Керг-үүлдврин программар экспедицин орлцачнр әрүн апостолмуд Петр болн Павлин чонжд болн Цаһан Амна хурлд одв. Энүнә хөөн мөрнә экспедицин һучн күн зуульчлһан цаарандан кехәр һарч йовв. Цөн өдр болад эдн Әәдрхн балһснд күрх.
Елена Алексенко, Ирчин Алексей
