Хальмгт туризм делгрлт авх зөвтә
Хальмг Танһч интернетин аһу сәәнәр олзлжана. Удл уга мана танһчд ирхәр седсн улсин төлә, мана хальмг теегин тускар соньн тоот медж авхин төлә түрүн цәәлһврин дегтр һарһх. Сүл жилмүдт мана танһчур олн туристнр ирх саната. Хам хоша бәәх регионмудас әмтн цөн цастан автобусар йовад ирнә. Зуг хол һазрас болн һазадын ордудас ирхәр седсн туристнр хальмгин тускар интернетд зәнг олдж авх кергтә болна. Удл уга эн төр бас хаһлгдх.
Китдәс ирсн оют Джун Хао эн жил хальмг танһчд түрүн болж иржәнә. Китдин арвн зурһан күн Хальмгин государственн университетд сурһуль сурчана. Төрскн һазртан эн көвүн һазадын орна келнә институтд орс кел дасчана. Тегәд чигн түрүн З сард орс келнд болн мана танһчин бәәрн таалд сәәнәр ижлдв. Ода Китдин оют Элст балһс сәәнәр меддг болв. Энүнд ода Миша гидн нер өгч. Миша Элст блаһснд музейд, паркдт болн хурлд одв. Китдәс ирсн оютн Джун Хао келсәр, иим ик ке-сәәхн хурл түрүн болж үзжәнә. Нег үлү хальмг улсин сергмжтә Зулын байрт орлцв.
Хальмг танһчин туризмин делгрлтин сангин олна организац мана танһчур һазадын ордудын туристнр олар ирхин төлә көдлмш күцәжәнә. Энүнә элч Санж Буваевин келсәр, организацин гешүд танһчин туужлгч ормин тускар барин дегтр, олн-зүсн келәр шишлн интернет сайт барлж бүрдәх саната. Буваевин темдглсәр, иим көдлмн кехлә, мана танһчин туризм делгрт авад, олн һазрас әмтн ирх зөвтә.
Ода болхла Хальмг Танһчур туристнр нурһлж хам хоша бәәх регионмудас автобусар ирнә. Эднә ик зунь Элст балһснд бәәх Европин хамгин ик буддийск хурл болн шатрин балһс һәәһхәр ирнә.
Гедеримин темдглсәр нег өдрәр ирсн туристнр мана танһчин хазнд мөнг орулж өгчәхш. Юнгад гихлә иим экскурст талын һазрт бүрдәгднә. Мана та3һчин турфирмс болхла ода деерән зуг хальмгин туристнриг һазадын ордудт йовулжана. Эннь бас учрта, ангин халхас дөн угаһар эднд делгрүлхд олз-туста болжахш. Юнгад гихлә, орда деерән мана регионд туризмин делгрлтин шишлн программ батлж авгдад уга. Хальмг Танһчин Правителств өдгә цагт социальн ик чинртә төрмүдт һол оньг өгчәнә. Тегәд чигн туристическ халх иргчдән делгрлт авх зура бәәнә.
Татьяна Зубцова, Ирчин Алексей
