Хальмгин тохма малын чинр нарта-делкәд хамгин сән
Ода Әрәсәд махна тохма бод малын то нег сайд күрв. Эднәс өрәлнь хальмгин тохма мал болж һарчана. Энүнә тускар Оренбург балһсна цугәрәсән номин шинжлтын институтын номт, хальмгин тохма мал өскдг предприятьмудын келн-улсин ниицәнә директор Фуат Каюмов келв. эн өдрүмдт нертә номт ман атнчһин эдл-ахуст одад, дөн күргжәнә.
Хальмг танһчд хамгин сән чинртә үкрә мах һарһж авлһна төлә цуг таал бәәнә. Иим чинртә махн нарта-делкәд уга. Хальмгин тохма бод мал — мана келн улсин зөөр-кишг гиж келж болх. Энүнә тускар селәнә эдл-ахун номин доктор Фуат Каюмов келнә. Хальмгин тохма мал өсклһнә халхин хамгин сән гисн Әрәсән специалист эн өдрмүдт мана танһчин нүүрлгч эдл-ахусд одад, цәәлһврин көдлмш кежәнә.
Хальмгин тохма мал өсклһнә келн-улсин ниицәнә көдлмшин программар махна малын номин шинжлтын Әрәсән институтын номтнр Хальмг танһчин тохма мал өскжәх эдл-ахуст дамшлтын дөн күргжәнә. Селәнә эдл-ахун номин доктор, хальмгин тохма мал өскдг келн-улсин ниицәнә генеральн директор Фуат Каюмовин келсәр, ниицәнә һол төрнь — бод малын тохм ясрулһн болн шин тохм һарһж авлһн болжана. хальмгин тохма бод мал Әрәсән талдан регионд өскх төр тәвгджәнә. Ода Әрәсәд тохма бод малын то нег сайд күрв. Энүнәс өрәлнь хальмгин тохма мал болжана гиж Каюмов келнә.
Хальмгин тохма мал өскжәх предприятьмудын ниицә тогтаснас авн тохма мал өскдг эдл-ахусин продукцин чинриг дангин шинжлх арһ учрв. Тер мет иим эдл-ахуст шангин дөн яһж олзлгджахинь бүрткж болжана. Болв хамгин һол төрнь — хальмгин тохма бод мал өсклһнә көдлмшиг ясрулж болх, иим дамшлтар талдан регионмудла хувалцх арһ бәәнә. Эндр өдрт мана танһчд тохма бод малын то өрәл сайд күрчәнә, тер мет Әрәсән талдан регионмудын селәнә эдл-ахун предприятьмудт зун дөчн минһн толһа бод мал бәәнә. Өдгә цагт Әрәсән Федерацд тохма мал өскдг хөрн племзавод болн кесг племрепродуктормуд көдлжәнә. Эдн цугтан хальмгин тохма бод мал өскжәнә.
Хальмг танһчин селәнә эдл-ахун министр, хальмгин тохма мал өскдг предприятьмудын келн-улсин ниицәнә президент Петр Ланцановин келсәр, иим ниицән цуг Әрәсән малчнриг негдүлжәнә. Ода Хальмгин тохма бод мал мана орн-нутгин арвн тавн регионд өскжәнә.
Ямаран һан халун болв чигн, хальмгин тохма бод мал өдр-сө уга кеер идшлнә. Иим мал хамгин тесллтә болн чанһ-чиирг аһрусн болжана. Кедү аюл эс гиж зуд болв чигн хальмгин мал тарһн сән чинәтә болна гиж малчнр келнә.
Хальмгин тохма бод мал мана төрскн һазрин тохм болжана. Тегәд чигн энүг хадһлж, ясрулх кергтә. Әрәсәд хамгин түрүн болж зуг хальмгин тохма мал хулдж авх биләв гиж давсн зун жилин жирдгч жилмүдт Америкин селәнә эдл-ахун министр Орвилл Фриман зөрц келсн үг биш болжана.
Бевина Мергн, Котина Валерий
