Хальмгин ик сурһульд «Биовет» нертә номин цутхлн үүлджәнә

Хальмг Танһчин ик сурһулин аграрн факультетын уул деер һанцхн «Биовет» нерәдллһтә номин цутхлн көдлжәнә. Эн цутхлнгд баһ наста номтнр кесг кергтә лабораторн шинжлтс кенә.

Баһ наста номт Мария Бугдаева ода шин техник олзлж малын ДНК кеж һарһв. Эндр өдр маднд энд көдлхд ийр амр болна. Малын төл авллһна, шинрүллһнә керг үүлвдрт баһ наста номнтр кесг жилдән университетд көдлсн багшнр дөн нөкдән күргж орлцна. Урдк жилмүдт малын ДНК авхд шин техник дөн күргжәнә. Эн жилд шин техник тавн сай арслн мөнгәр хулдж авгдв. Урдк жилмүдт хальмгин малын эмчнр талдан региомудт оч тиим шишлн керг үлдв күцәдг бәәсмн. Ода болхла дор омрдан кергтә көдлмшән кенә. Көтчнрә района ООО “Кегульта» ах зоотехник нааран ирх малын цуснь авч ирж кесргтә шинжлт кехәр бәәнә. Энүнә келсәр өгә цагт малчнр холл хаалһд һарлго Эн лабораторьт ирж цуг кергән күцәнә.

Келхд, малын шинлт кехд дөрвн зун — тавн зун мөнгн кергтә, талдан региомудт эн үн дегд үнтә. Эндр өдр Хальмг Танһчд мао өсклһнә төрәр зурһан завод болн хөрн зурһан тохма мал өсклһнә эдл ахус көдлжәнә. Өдгә цагт тохма мал өскллһнә төрәр ик сурһулин рестор Бадм Салаев Хальмг Танһчин эдл ахун министр Петр Ланцыновла күүндж ирх зуран тускар күүндв. Иргчдән тиим цутхлнг талдан райодт секх зуралгджана.

Хальмг Танһчин эдл ахун министр Петр Ланцановин келсәр тиим цутхлн секхлә олн малчнрт цаглань кергтә малын цуснь авч ирч кергтә шинжлтс кех амр болх.

Ик сурһулин уул деер бәәх цутхлгд дәкәд үснә, махна, ноосна шинжлтс кех зуралгджана. Болв эн керг үүлдвриг күцәхд мөнгн кергтә болжана.

Санкун Кермен, Хулхачин Николай