Цуг сурһулин заведеньс белдврин көдлмшән кежәнә
Цөн өдр давад зунын амрллһна кем эклхмн. Эн өдрмүдт цуг сурһулин заведеньс эн кемд белдврин көдлмшән кежәнә.
Дөрвдгч классин сурһульчнр Марьяна Шовунова болн Арслан Бембеев зунын амрллһна кемиг тенкән уга гидгәр күләжәнә. Зунын кем бичкдүдин хамгин дурта цаг. Амрллһна өдрмүдт эдн олн бичкдүдлә таньлдж үүрмүдт болна. Эднә санаһан эн жилд эдниг эк эцкнр ларгерьт орулх.
Давсн жилд би школын уул деер бүрдәгдсн лагерьт оч амрллав. Нанд тенд наадх сул цаган давулхд йир таасгдв. Намаг экм школын лагерьт бичүллә.
Элст балһсна цуг школмудын, бичкдүдин үүдәлтин цутхлнгд, хойр спортивн клубин уул деер арвн нәәмн бичкдүдин лагерь көдлхмн. Элст балһсна арвн доладгч тойгта школын директор Нелли Мукукеновин келсәр эндр өдр бичкдүдин төлә лагерь секх школ белн бәәнә. Жил болһн школд сурһуль сурчасн бичкдүд зунын цагла ирж сул цаган давулна. Директорин келсәр эн жилд туужин төрәр лагерь үүлдхмн. Эн лагерьт сул цаган давулсн деерән бичкдүд туужин халхс секәд гүн медл авч чаджана.
Эн жилд бичкдүдин амрллһна кемд зурһан сай арлсн йилһгдж өггдсн билә. Давсн жиллә дүнцүлхлә эн жилд дала мөнгн йилгджәнә. Уилһгж өгдсн үлү мөнгәр цогц махмудан батрулх шин техник хулдж авгдх.
Элст балһсна мәрийн сурһуль эрдмин әнгин специалист Байрта Беегеван келсәр бичкдүдин өдрин хотн найн тавн арслн күрхмн. Май сарин хөрн тавн күртл белдврин көдлмш күцәгдхмн. Түүнә хөөн комиссин ахлачнр цуг школмүдт оч бичкдүдин амрллһна кемд белн бәәхнь бүртллһнә көдлмш хәләх.
Хальмг Танһчин эпрүл менд болн социальн делгрлтин министерствин ахлачин дарук Любовь Джексембекован келсәр эндр өдр бикдүдин төлә тәвн зурһан сай арслнг йилһгдж өггдв. Эн жилд арвн дөрвн минһн көвүд күүкд зунын цагла талдан регионмудт оч эмнллһ Авч чаджана. Арвн минһн бичкдүд танһчд амрхмн. Хамгин түрүнд эн тоод олн үртә, баһ тетквртә өрк бүлмүдин бичкдүд орх. Июнь сарла эднә төлә кергтә мөнгн йилһгдж өггдхмн.
Жил болһн кесг күүкд көвүд сән эмллһ Авч зынын цаган сәәнәр давулна. Эн жилд йилһгдж өггдсн мшнгн тер жиләс бичкн болшго.
Цуг амрллһна лагерьмүд эврәннь көдлмән июнь сарин дөрвнәс авн эклхмн.
Татьяна Дмитриева, Шараева Баира, Валерий Котинов
