Хальмг Танһчд Кларкин университетин профессор Ройс Андерсон ирв
Хальмг Танһчд Кларкин университетин профессор Ройс Андерсон ирв. Магистратск программ күцәхин төләпрофессор хальмгин университетла нөкцлт күцәх саната. Энүнләхамдан Астраханск университетин әрәсән болн американск программин директор Инна Ахунджанова ирв. Эн деед сурһуль Әрәсән Өмн үзгин регионд магистерск программ күцәлһнә тускар зөвшәлт Америкин университетла батлж авсмн. Ода иим зөвшәлт хальмгин деед сурһуль батлж авх. Ирсн даруһан Америкин номт хальмгин университетин ректорла болн США-д дамшлтан өөдлүлсн баһчудла харһад күүндв.
Нарта-делкән магистерск программ күцәлһнәтөләХальмгин университетд ирлцнһү көдлмш келһн ик чинр зүүжәнә. Астраханск университет болн Кларкин университет Әрәсән Өмн үзгин регионд магистерск программ күцәхин тускар зөвшәлт батлж авла. Удл уга иим зөвшәлт хальмгин деед сурһульлла бас батлж авгдх. Кларкин университет Америкд хамгин хуучн деед сурһуль болжана гиж ректор Бадм Салаевла болсн күүндврин йовудт Рой Андерсон келв. Эн университет баһчудт шин эв-арһ олзлж сән чинртәсурһуль өглһнәхалхар нүүрт йовна. Ода Кларкин деед сурһуль сурһульн шин эв-арһ олзлдг нарта-делкән хамгин сән гисн тәвн университетын тоод оржана. США-н Кларкин университетин профессор Рой Андерсон келсәр, йирн һурвдгч жилд бидн нөкцлт күцәхин төләуниверситет экләд хәәләвидн. Москва, Санкт-Петербург балһсдт одлавидн. Зуг нөкцлт кегдсн уга. Тегәд Астраханск университетла күүндвр кеж. Ода Хальмгин деед сурһульлла зөвшәлт батлж авх саната. Эдн Әрәсән Өмн үзгт бәәхнь сән таал болжана. Энд олн келн-улс бәәршлжәнә.
Магистерк программар сурсн баһчуд аштнь магистрин америкин диплом авх. Тер мет хальмгин университетын эрдмин дипломта болх. Хальмгин университетин доцент Ноһан Ходыкован келсәр, Әрәсән эрдм-сурһулин болн США-н нарта-делкән диплом авхла сән болх. Иим оютнр сән иргчтәболна. Мана деед сурһуль төгсәсн болн ода сурчах бачһудт эн программ соньн болх зөвтә.
Шин программар оютнр олн-зүсн халхар гүн медр авч чадх. Владислав Бадмаев иим программар сурхадан дурлжана. Хальмгин университетин магистрант Владислав Бадмаевин келсәр, США-д бәәх зура уга болхла америкин диплом керг уга гиж зәрм улс келнә. Эн программ сән дамшлт өгх. Тер мет дегд ик мөнгн керг уга.
Түрүн һурвн семестрт баһчуд Әрәсәд сурх. Дөрвдгч болн тавдгч семестрт болхла оютнр США-д сурһулян цаарандан дасх.
Колдан Наталья, Очра Сергей
