4 марта 2013, 16:02
Греко-римск янзар бөк бәрлдлһнә марһан болв
Элст балһснд уйн наста бөкнр дунд греко-римск янзар бөк бәрлдлһнә Өмн үзгин федеральн округин марһан төгсв. Энүнд әрәсән Өмн үзгин зурһан региона элчнр орлцв. Долан чиннүрин категорьт зун тәвн уйн наста бөкнр дииләчән йилһв. Марһан бөк бәрлдлһнә академьд болв. Энүг байрин бәәдлд секлһнд танһчин толһач Алексей Орлов орлцв. Хальмг танһчин көвүд һурвн цаһан мөнгн медаль шүүж авв. Ростовск областин команд түрүн орм эзләд, тавн алтн медаляр ачлгдв. Краснодарин элчнр хойр түрүн орм эзлв. Дәкәд болхла шишлнг мөрә тогтагдв. Энүг мана танһчин бөк Дольган Салыков болн зарһч Вячеслав Дорджиев шүүж авв.
