10 июля 2012, 14:44
Геленджик балһснд амрчасн хальмгин бичкдүд гер талан хәрж ирв
Тер саамд уснд авлгдсн Геленджик балһснас санатормудт амрчасн хальмгин бичкдүд гер талан хәрж ирв. Эднә келсәр, тенд амрлһна өдрмүдән сәәнәр давулж. Иим кеәвр хур асхад орхин тускар болн бүкл балһсн хурин уснд авлгдхин тускар эдн санжасн уга бәәж. аюл болнас хөөн, эдн икәр әәв, түрүн авгтан әәх саас учрсн уга гиж көвүд-күүкд келнә. Эднә бәәсн гер хамхрсн уга бәәж. Зуг электрокүчн өггдсн уга, болв дарунь герл өггдв.
Сурһульчнрин эк-эцкнрнь эн өдрмүдт ик үүмәтә бәәв. Телевизорар шин зәнгсин һарциг нүдән авлго хәләв. Дәкәд нег тодлад келхлә, Краснодарск крайин Хар тенгсин көвәд санитарн күнд бәәдл тогтснас көлтә санатормудт зуна амрлһна болзг хооран саагджана.
