Ереван балһсна зуулч Артур Оганян Элст балһснд ирв
Ереван балһсна зуулч Артур Оганян арвн зурһан минһн километр давад, хальмгин хотл балһснур ирв. Ереван балһсна зуулч Артур Оганян арвн зурһан минһн километр давад, хальмгин хотл балһснур ирв. Эн Якутьд күрх саната. Тегәд дәкәд хөрн минһн километр дамж йовх кергтә болжана. Велосипедар зуулчлһн йир соньн гиж Оганян келв. Нег үлү эн эрүл-мендд сән нилчән күргнә.
Ереван балһснас зуульч күн Оганян Артур арвн зурһан минһн километр велосипедар йовад Элст балһснур күрч ирв. Эн баһ наста көвүн Якутьт күрхәр зурата бәәнә, энүнд хөрн минһн километр даах кергтә болжана. Зуульч күүнә келсәр тиим зуульчлһн цогц махмудт тус күргнә, күн чанһ чиирг болна. Дәкәд олн һазр эргәд олн келн әмтнә туужла таньлднач гиж Артур келв.
Эн зуульчлһан Артур Оганян хойр минһн арвн негдгч жиләс авн эклв. Нәәмн сарин эргцд йовад өрәл хаалһ давад ирв.Күрх һазрт һучн зурһан минhн километр үлдв гиж Артур келв. Эврәннь зуульчлһан карт хәләһәд болн өдгә цагин JPS навигаторар йовжана. Энүнлә хамдан кесг сармудын эргцд дурта Граф нертә дурта ноха йовна. Эврәннь нохадан унтг орм кеж һарһв. Эн ормла дәкәд кесг кергтә хувц хунр бийдән дааж йовна.
һанцарн эжго һазр давад һархла Ноха нанд нөкд болна, ноха намаг харсна.Граф ноха йир ухата, мини келсн цугнь меднә-гиж Артур келв.
Эндр өдр энүнә тергн йоста гер болжана. Сөөһәр кииитн салькнас гетлнә.Эн зуучлһн һанцхн биш, энүнә түрүн зуульчлһн хойр минһн йисдгч жилд һаха сарин арвнд эклв. Дигтә тер цагт тосхач Оганян Артур Якутьтяс энкр төрскн ереван буллһснур йовхар седв.тер цагт тенд Артур көдлдг бәәәсмн. Тер цагт нанд күн болһн итклән өгсн уга. Болв эврән ухалад, күнд ут хаалһ болв чигн йовлав гиж артур эврәннь ухан тооолвррарн хувалцв. Хаалһдан кесг соньн әмтнлә, олн улсин авг бәрцлә таньлдхла нанд зууульчлһн ик гидгәр өдр ирвәс таасгдг болв.
Эн цагин эрцд кесг улсла таньлдлав, зәрм әмтн герүрн орулад халун хот, унтг орм чигн өгдг билә. Кесг зургуд кеһәд көгшрх насндан хәләнәв гиж инәдж артур келж өгв.
Эн цагин эргцд тавн велосипед сольллав гиж артур келв, нанд кесг әмтн нөкд болж билә. Олн әмтн өдр болһн гертән суууһад сәәхн һазр үзж чадхш. Мини зуульчлһ хәләһәд кесг әмтн тиигәд намаг дураһад зууульчлһнд одхар седжәнә.
Азыда Надежда, Котина Валерий
