Эрдм-сурһулин халх шинрүлһнә таалд баһ наста специалистнрин көдлмшин төрәр бүрдәгдсн конференц төгсв
Эрдм-сурһулин халх шинрүлһнә таалд баһ наста специалистнриг сурһлһна төрәр бүрдәгдсн конференц көдлмшән цаарандан кев. Энүнд Элст балһсна дошкольн эрдм-сурһулин учрежденьсин көдләчнр орлцв. Конференцин түрүн өдр мастер-классмуд, дамшлтын кичәл болв. Эндр болхла пленарн сүүр болн хәләгджәх төрә төгрг ширән сүүр болв.
Конференцин йовудт олн-зүсн мастер-классмуд, дамшлтын кичәлмүд болв. Энүнд бичкдүдин садмудын дамшлтта сурһмжлачнр орлцв. Теднә негнь багш-логопед Байрта Азыдова. Эн көдләч Жилин сурһжмлач нертә Элст балһсна болн танһчин марһаст диилвр бәрсн билә. Бичкдүдт амн үг яһж дасххин тускар байн дамшлтта багш конференцин орлцачнрт келж өгв.
Саглр Шавартаева бичкн көвүд-күүкд хальмг кел дасхжана. Эврәннь кичәлмүдтән олн-зүсн наад олзлж көдлжәнә. Иим кеәвр бичкдүд төрскн кел амрар дасна.
Иим олз-туста керг-үүлдвр Элст балһснд дөврдн жил дарандан бүрдәгдж давулгджана. Энүнд эрдм-сурһулин дошкольн учрежденьсин көдләчнр дамшлтарн хувалцад, бийдән немр медрл авна сонь эв-арһ шингәж авчана. Конференцин орлцачнриг һурвн үүдәгч әнгәр хував. Баг болн эврә седвтә төрәр көдлв. Элст балһсна мэрийн эрдм-сурһулин заллтин әнгин ахлач Наталья Бютцинован келсәр Баһ наста сурһмжлач Юлия Босхомджиева бичкдүдин садт зуг өрәл жилдән көдлжәнә. Бичкдүдт сурһмж өглһнд наад олзлһна тускар конференцин орлцачнрт келж өгв. Юлия Босхомджиеван тоолврар, наадна дөнгәр бичкдүдлә күүндхд амр болна. Бичкн көвүд-күүкд наад наадхдан дурта. Тегәд бичкдүдт эннь соньн болна. Арвн дөрвдгч садын сурһмжлач Юлия Босходмжиеван келсәр Эндр конференцин көдлмшин аш диглгдәд, хамгин сән багш йилһрхмн. Керг-үүлдврин күцц ашин тускар пленарн сүүрт келгдх.
Шаран Баира, Ирчин Алексей
