Эндр территориальн сунһлһна комиссьмудын ахлачнр Әрәсән Государственн Думин депутатнрин сунһлһна бюллетень авв
Эндр территориальн сунһлһна комиссьмудын ахлачнр Әрәсән Государственн Думин депутатнрин сунһлһна бюллетень авв. Болв шинкн барлгдсн бюллетеньд сольвр орулгдв. Әрәсән либеральн-демократическ партин деед хүүвин шиидвр тоод авгдж ноябрин арвн нәәмнд Әрәсән цутхлнг сунһлһна комиссин шиидврәр, кандидатнрин федеральн спискас Санл Куваков һарһгдв.
Тадн танһчин зәнг шуд эфирт хәләжәнәт. Һарцан цаарандан өгчәнәвидн. Элст балсһна электрическ сетьмуд үвлин кемд белн болв. Калмэнергоком компаня зәнглсәр, электрозалһлда болн оборудовань яслһна цуг темдглсн көдлмш цаглань төгсв. Энүнә йовудт Элст балһсна ар үзгт бәәх трансформаторн подстанцд болн Арнзл нертә станцд, дорд үзгин подстанцас магистральн сунһуг ясгдв. Эн сунһугар хотл балһсна цутхлнг электрокүчәр теткгднә. Ростехнадзор сар болһн бүртклһ кеһәд, намрин-үвлин кемд көдлхд белн болв гисн паспорт энергетическ компаньд өгв. Специалистнрин келсәр, өдгә цагт зөвшәл угаһар татгдсн электрозалһлдана төр хаһлгдад уга.
