Эндр бичкдүдиг харслһна нарта-делкән өдр

Эндр бичкдүдиг харслһна нарта-делкән өдр. Элст балһснд болн танһчин цуг райодт эн байрт нерәдгдсн олн-үзсн нәр-наадн болжана. Тедн дунд зург зурлһна, ду бииһин болн нань чигн марһас.

Нарт делкән бичкдүдин өдрлә бичкн көвүд күүкдиг үүдәгч коллективмуд йөрәх, тедн дунд бичкдүдин хореографическ «Веснушки»нерәдлһтә студь. Элст балсһна «Радуга детства» нерәдлһтә бичкдүдин үүдәлтин фестивальд долан наста Екатерина Дукманова кесг дәкч орлцдг бәәсмн. Бичкн цагасн авн Катя би биилһдән әвр дурта. «Веснушки» нерәдлһтә студьт тавн настаһас авн орна. Байрта кевәр нарт делкән бичкдүдин өдрт нерәдгдсн байрт орлцжана.

Эн коллективд дөрвн настаһас авн һучн көвүд күүкд сурна. Студин орлцачнрин репертуар йир соньн энүнд эдн классическ өдгә цагин болн келн улсин дуб и дасна. Бичкдүдин байрт эдн испанск би биилх.

Эн студь бичкн көвүд күүкдт сән медрл өгх саната. Орлцач болһнд багшнр килмжән бүлән хәләцән тусхана. Эн өдр бичкдүд белг авхдан дурта. Жил болһн эн өдрән бичкдүд насан мартад байрта кевәр давулна.

Эн өдр бөдун улс чигн насан мартад бичкдүдиг дураһад наадцхана. «Веснушки» хореографическ студин бичкдүд эн өдрән байрта инәдтә шуугата кевәр давулхар саната.

Энян Делгр, Бадмаран Владислав