Эндр өдрәс авн кодеинта препартмуд аптект хулдж авч болшго

Эндр өдрәс авн кодеинта препартмуд аптект хулдж авч болшго. Эн эмиг гемтә улст эмчнр эврән бичулх. Әрәсән медицинск көдләчнрин кесн то дигәр Әрәсәд зурһан минһн күн эмчас бичулж авлгон эврән хулдж авна. Эн эм наркотикла әдл болжана.

Эн өдр күртл күн болһн тиим эм аптект ирәд хулдж авдг билә. Эн эм үнтә биш —толһа өвдглә, халу дүрхлә күн болһн хулдж авдг бәәсмн. Удан цагтан уусн күүнә эрүл мендт харшан күргнә. Хөөн эмнлһ авхларн тусан күргшго гиж эмчнр келжәнә.

һурвн жилмүдин эргцд мана Танһчд 14 наркотик хулд бәәрн хаагдсн билә. Эн бәәрнд дезоморфин кедг бәәсмн. Эндр күн болһн интернетд орад наркотик кеж чадх. Шин зака батлснас авн тиим эм уудг әмтн зовсн уга. Ут тоодан олн улст тиим закан таасгдв.

Тиим закан батлсн бидн байрта бәәнәвидн. Наркотик зүүтә эм уга болтха. Тиим эм хулдж авхла эмчәс бичулж авхмн.

Шин закан эндр өдрәс көдлжәнә. Январт сарас авн тиим эм эмчнр бичулнә. Эрүл мендт харшан күргд эм хулдж болшго гиж Танһчин эрүл-менд харллһна министерствин специалистр келж өгв. Эмчнрин бичулж авсн рецепмуд учетд бичулгдх.

Танһчин эрүл менд харлһна министерствин бөдүн улст дөн күргдг әнгин ах специалист Валерий Санджиевин келсәр эмчин бичулж өгсн цаасн бүртллһнә көдлмш кегдх.

Бүртллһнә көдлмш дангин давулгдх. Болв эн туст органмуд аптекмүдин арһлачнрла ноолда кехд арһ уга. Танһчин росздравнадзирин ахлач Деля Бадмаеван келсәр эн туст аптекмүдын ахлачнр эврән ухалх зөвтә. Хамгин үтүрнд эдн күн болһна эрүл мендин тускар ухалх зөвтә.

Эндр өдрәс авн аптекмудын көдләчнр толһа өвдсн, халу дюрсн улст талдан эм хулдна. Эн эмд кодеин уга.

Санкун Кермн, Жамбин Дмитрий