Эн жилд Хальмг танһчд ут-тоодан хойр минһн һар көвүд-күүкд школан төгсәв

Давсн сөөһәр школ төгсәжәх сурһульчнрин байр болв. Эн жилд Хальмг Танһчд ут-тоодан хойр минһн һар көвүд-күүкд школан төгсәв. Байрин нәр-наадн өрүн өрцәтл болв. Аттестат бәрүлж өгсн кемд баһчуд болн эднә эк-эцкнрнь зөвәр үүмәд бәәв. Иим байр баһчудт невчк уйдврта болна. Арвн негн жилдән хамдан сурчасн улсла салхд амр биш. Школд сурсн кем хамгин хөвтә болн сән цаг гиж бидн тоолнавидн.

Троицкое селәнә гимназь төгсәсн Анастасия Рвачева байрта нәр нааднд орлцхар ик урдасн белдв кесн билә. Эн хаврар эктәһән хамдан ке сәәхн бүшмүд хулдж авсн билә. Анастасия цаһан цецгүд олзлад үсән хурав.

Баһ наста күүкд күүнә келсәр эн байрта нәр нааднд цуг күүкд сәәхләс кевтә болхар седнә. Эн өдр көвүд бас костюм өмсәд бас бийән кеерүлнә гиж Анастасия Рвачева келв.

ЕГЭ-н шүүврән өгсн көвүд күүкд эндр өдр йир байрта бәәнә. Элстин техническ лицей төгсәсн Батан Эрдни йилһән сәәнәр сурһулән сурад эндр өдр экономическ школын негдгч күрсин оютн болжана.

Би эн өдр йир байрта бәәнәв, школан йилһән сәәнәр төгсәһәд эк эцкән байрулж чадв. Мел иим кевәр цааранднь сурһулән давулхар сана зүүжәнәв гиж Батан Эрдни келв.

Эн асхн цуг күүкд көвүд йир сәәхн билә. Иим байр баһчудт невчк уйдврта болна. Школд сурсн кем хамгин хөвтә болн сән цаг гиж келж болжана. Энүнә хөөн баһчуд тәәз деер һарад эврәннь билг эрдмән үзүләд өөрхн улсан байрулв.

Келхд, эн жилд элстин техническ лицей далн долан көвүд күүкд школан төгсәв. Аттестат бәрүлж өгсн кемд баһчуд болн эднә эк-эцкнрнь зөвәр үүмәд бәәв. Арвн негн жилдән хамдан сурчасн улсла салхд амр биш. Жил болһн тогтсн авьсар эврәннь байран көвүд күүкд өрцәтл күртл темдглнә. Эн өдрәс авн эдн өргн жирһлин хаалһд орад, сурһулән сурад танһчдан тусан күрглж йовх гисн нәәлвр бәәнә.

Санкун Кермен, Котина Валерий