Билгтә техническ лицейн баһчуд

Элст балһсна техническ лицей төгсәсн көвүд күүкд аттестат авсн деерән дәкәд кесг эрдмтә болна.

Эврәннь һарарн Иим ке сәәхн кегдлмүд күн болһн кеж чадшго. Энүнд билг эрдм кергтә. Баһ наста кермен манцаева эн жилд школан төгсәв. Цааранднь Кермен Санкт-Петербург балһснд сурһулән сурһхар сана зүүжәнә. Техническ лицейд медрл авсн деерән баһ наста күүкн урн һарин кичәлд одв. Кермен Манцаева өмсжәх бүшмүдән эврә һаран уйсн билә.

Энүнә экнь Валентина Манцаева алн болснь билә. Дөрвн жил хооран урн һарин кичвәлмүдт ирәд эндр өдр эврән ке сәәхн бүшмүд уйж һарһна.

Эк валентина манцаева эндр өдр йир байрта бәәнә медрл авсн деерән күүкнь хувц хунр уйдж чадна. Аттестат авсн деерән дәкәд технологийн кичәл төгсәсн диплом дәкәд маши жолачин права авсн билә гиж эк келв.

Кермен Манцаеван һурвдгч курст сурһуль сурч йовх үр күүкн Бая Намтуева бийдән бас олн зүсн хувцн уйж һарһна. Намтун баиран келсәр авсн медрл маднд ик дөн тусан күргх, эндр өдр ке сәәхн эд хулж авад бийдән бүшмүд уйна.

Цуг күүкдт технологийн кичәлд орлцх йир таасгдна. Эдниг олн жилдән дамшлта багшнр сурһна. Дамшлта багшнрин заасн медрләрн дорас өсч йовх баһчуд олн зүсн марһаст фестивальмудт орлцад уйсн бүшмүдән үзүләд энкр техническ лицейн нериг холд туурулв.

Кесг жил хооран дигтә эн техническ лицейн багшнр нертә дизайнер модельер Александр Боканевд хаалһ сексн билә. Энүнд хувц уйдг шишлн машинк Хальмг Танһчин түрүн толһач Кирсан Илюмжинов хулдж авсн билә. Эндр өдр Александр Москва балсһнд көдлжәнә.

Мана күүкд көвүд йир билгтә эдн эврә һарарн кесг кегдлмүд уяд хулдна, хоршаж авсн мөнгәрн бидн эд хулдж авнавидн гиж багш Увшан Вера келв.

Техническ лицейд медрл авсн деерән баһчуд дәкәд кесг эрдмтә болна. Элстин техническ лицейн директор Муушан Истян келсәр эндр өдр баһчудт авсн медл тусан күргх. Күүкд хувц хунран бийдән уйдж чадна, көвүд талдан эрдмтә болна.

Жил болһн техническ лицей төгсәсн көвүд күүкд өргн жирһлин хаалһд орад авсн медрләрн бийән тежәлж чаджана.

Элла Хаптаханова, Тамара Надбитова, Анатолий Хаптаханов