Элстд цуг Әрәсән президентск спортивн наадна танһчин девсн давулгджана

Элст балһснд сурһульчнр дунд цуг Әрәсән президентск спортивн наадна танһчин девсн давулгджана. Эн марһан мана орн-нутгт баһчуд дунд эрүл-менд бәәдл-жирһлд тахралһна төлә 2 жил дарандан кегджәнә.

Сурһульчнрин дунд давулдг спортивн наадн мана регионд һурвн девснгәр давулгджана. Хамгин түрүнд гиигн атлетикар, өөмлһнә болн бу хаһлһна керг үүлдврмүдәр эн марһан эклжәнә. Түүнә дарунь баскетболар блолн волейболар төгснә. Эн дөрлдәнд арвн команд орлцжана. Энүнд ах классин цуг танһчин школмудас сурһульчнр марһлджана.

Хальмг Танһчин сурһуль эрдмин номин болн сойлын министерствин әнгин ахлач Санал очировин келсәр элст балһсна школмудын болн селәнә школмудын дунд марһан төгсв. Энүнд Городовиковск района дундын школ дәкәд яшалтан района Соленовское селәнә школын сурһульчнр диилвр бәрв.

Команд болһнд хөрн спортсменмүд орлцжана. 10 көвүд 10 күүкд .Эднд бу хаһлһна марһан хамгин дурта болж һарв. Көвүдлә әдл күүкд бийән сән таласн үзүлжәнә. Эн марһанд Артезиан дундын школын команд нүүрт һарчана.

Артезиан селәнә дундын школын цогц махмудан батруллһна багш Анатолий Тюрбеевин келсәр эндр өдр цуг нааран ирсн баһчуд диилвр бәрх саната.

Эн спортивн наадна хамгин һоолгч сәәхн марһан өөөмлһнә дөрлдән болж медгдв.сурһульчнр тәвн меетрин кемжәнд дөрлджәнә. Өдгә цагт өөмлдг һазр уга болад кесгнь эн дөрлдәнд орлцжахш.

Хальмг Танһчин сурһуль эрдмин номин болн сойлын министерствин әнгин ахлач Санал очировин келсәр эндр өдр бичкдүдин төлә өөмлһнә бассейн тосһх кергтә болжана. Эн нааднд бидн өөмлһнә дөрлдәг орулхар седсн угавидн, болв шиидснә дару үлдәвидн.

Диилвр бәрсн командын нерн эндр өдр заагдх. Эн команд иргчдән Әрәсән президентск нааднд орлцж мана хальмг танһчиннь нериг туурулх. Эн наадн бичкдүдин орленок нерәдлһтә цутхлнгд давулгдх.

Бевина Мерген, Ирчин Алексей