Элст балһсна төрлһнә герт капитальн ясвр кегджәнә, шин аппарат хулдж авгдв
Элстин төрлһнәгерт капитальн ясвр кегджәсн бийнь, медицинск учреждень урдк кевәр көдлжәнә. Сар болһн энд хойр зун күүкд күн нилхрнә. Ясвр кегджәх кемд саата күүкд улс Ленина нертәуульнцд бәәх әнгд бәәнә. Эн жилин чилгч күртл эднәик зунь шинрүлгдсн хойр давхрта герт орх. Ода төрлһнәгерт шин оборудовань хулдж авгджана. Хамгин түрүнд плазмофорезин аппарат хулдж авгдв.
Элстин төрлһнә герт хулдж авсн плазмофорезин аппарат эмчнрт сән дөн болжана. Энүнә дөнгәр саата күүкд улсин гемиг дөрвн холванд баһрулж болх. Төрлһнә гемин ах эамч Тамара Ермошкаеван келсәр, саата күүкд улсин дигтә өрәлнь гемтнә. Элст балһсна төрлһнәгерин ах эмч Тамара Ермошкаеван келсәр, иим аппаратын дөнгәр олн-зүсн хальдврта гем эдгәж болх, зуурд нилхиг харсж авх арһ бәәнә, тер мет экин болн нилхин цусн эс ирцлхләбас нөкд болж чадх.
Иим аппаратыг Әрәсән заводт кеж һарһна. Ода мана танһчд плазмофорез зуг цусна цутхлнгд бәәнә.Дөрвн зун хөрн минһн арслнг күрнә. Специалистнрин келсәр, һазадын ордудт иим аппарат хулдж авхла нег сай асрлнг кергтәболх бәәсмн. Ода төрлһнәгерин көдләчнр шин аппаратар көдлхин төләсурһуль дасчана. Москван компаня медицинск элч Олег Титковин келсәр, шин аппаратыг удан көдлмшт белдх керг уга. Иим кевәр гемтәулсиг амбулаторн таалд эмнүлж болх. Күүкд улсиг больницд орулх керг уга.
Эрүл-менд харлһна халх шинрүлһнәпрограммар Элстин төрлһнәгерт һучн нәәмн сай арслнг йилһж өггдх.Эн мөнгәр УЗИ аппарат, лапароскопийн оборудовань, нилхиг болн экиг шинжлж хәләх монитормуд хулдж авгдх. Тер мет төрлһнәгерт орсн күүкд улст цуг кергтәтаал бүрдәгдх.Дәкәд болхла эн программар медицинск учрежденя хйор давхрта герт капитальн ясвр кегджәнә.Энүнәтөләһучн һурвн сай арслнг йовулгдв.Мөнг олз-тустаһар олзлхин төлә, тосхлтын компаньд мөнгн кергтәхүвәрнь кеж-күцәсн көдлмшин кемжәһәр йилһж өггджәнә.Эндр өдрт ясврин көдлмш далн процентд күцәгдв. Тосхлтын организацин һардач Евгений Цакировин келсәр, ясврин көдлмш август сард эклв.Ноябрь сард энд цуг тосхлтын көдлмш төгсх.Темдглсн зураһар цуг ясврин көдлмш кегдх.
Иргч жилин хаврар төрлһнәгерин тавн давхрта һол герт капитальн ясвр кегдх.Энүнәтөләфедеральн бюджетас найн дөрвн сай арслнг йилһж өггдх.
Татьяна Зубцова Колдан Церн
