Элст балһснд «В семье единой» нертә хазгудын сойлын танһчин һурвдгч фестиваль болв

Элст балһснд «В семье единой» нертә хазгудын сойлын танһчин һурвдгч фестиваль болв. Эн керг-үүлдвр олн-әмтнә негдлтин байрт нерәдгдв. Элстин цутхлнг хурлын гелнгүд болн владыка Зиновий цуглрсн улсиг йөрәв. Танһчин райодын болн Элст балһсна эврә дурар үүлддг коллективмуд ду-бииһәрн олн улсиг байрлулв.

Хазгудын сойлын фестивалиг орс келн-улсин гимназин сурһульчнр болн көч-көлснә болн дәәнә ветеранмудын хор эклв.Эн керг-үүлдврин йовудт үүдәгч коллективмуд кесг, ду дуулв, тер тоод хазгудын кезә3к дуд бас дуулж өгв. Хальмгин гимназин 11-гч классин сурһульч Данзан Шураев фестивальд бас орлцв. Билгтә көвүн Элст балһсна болн та3һчин керг-үүлдврт да3гин шунмһа кевәр орлцжана. Энүнд көвүн би биилсн деерән, ду дуулж өгв.

Фестивалин бүрдәһәчнрин келсәр жил ирвәс энүнд орлцжах ансамбльмудын то өсәд йовна. Эн керг-үүлдвр олн-әмтнә негдлтин байрт нерәдгдв. Тегәд энүнд хальмг, орс, хасг келн-улс орлцв.

Келхд, хазгудын сойлын фестиваль түрүн болж мана танһчд хальмг улс әрәсән ханьд эврә дурар орсна 400 жилин өөнд нерәдгдсн 2009гч жилд давулсн билә. Иргч жилд болхла эн байр Приютное селәнд болх.

Шаран Баира, Дукмана Николай