Балакан Алексейин өөндн нерәдгдсн фестивалин лауреатмуд заагдв
Эндр Хальмг танһчин олн-әмтнә бичәч Балакан Алексейин найн тавн жилин өөнд нерәдгдсн танһчин драматургийин фестивалин дииләчнр йилһрв. Энүнд орлцсн цуг әмтнд цецгүд, дипломс болн белгүд бәрүлж өггдв. Бичәчин өрк-бүлин нерн деерәс Балакан Алексейин аваль Прошай, любезная нааднд орлцсн шог наадна болн драмин орсин театрин актер Хальмгин олн-әмтнә артист Виктор Хаптахановд болн келн-улсин театрин артистк Эльза Бембеевад мөнгнә мөрә бәүрлж өгв. Жюрин тоолврар, Зарһим эврән кетн нааднд хамгин сән дүр Марина Кикеева үзүлв, Сергей Бурлаченко болхла энүнд режиссер, сценарин зокьялч болн зурач болж орлцв. Дәкәд нег тодлад келхлә, фестивалин программар Баснга Баатрин нертә келн-улсин театрт Балакан Алексейин үүдәсн Прошай, любезная, Хүрм, Зарһим эврән кетн, болн Экин зүркн наадд үзүлгдв. Орсин театрт Алтн Зул илвтә цецг нертә наад хәләж болв. Апрелин чилгчәр орсин тетарт дәкәд нег фестиваль болх. Энүнд Москван гиичнр ирж орлцхмн.
