26 июня 2013, 16:31
Алексей Орлов багш-ветеранла харһв
Эндр хальмг танһчин толһач Алексей Орлов педагогическ күч-көлснә ветеран Денислав Бухаевла харһлт кев. Энүнд мана региона толһачин сайтд илгәсн бичгин тускар күүндвр кегдв. Эрдм-сурһулин болн сойлын халхсиг салһх туск зәрлгәр ветеран эврәннь ухан-тоолвран медүлв. Бухаевин келсәр, багшин мергжлтин кемжән ик енквр тәвгджәхәс иштә, сурһулин заведеньсиг тетклһнә, эрдм-сурһулин халхин чинр шинрүлһнә төр өдгә цагин школын темдг болжана. Танһчин толһачин темдглсәр, педагогическ күч-көлснә ветеранмудын дамшлт болн медрл эрдм-сурһулин халх шинрүлһнә ул болжана. Энүг угаһар эрдм-сурһулин халх шинрүлж болшго.