17 октября 2011, 20:17
Академик Пүрвә Эрдниев йирн насна өөнән темдглжәнә
Пүрвә Мучкаевич Эрдниев — салдс, багш, номт, гражданин гидг нертә балһсна номин дамшлтын конференц болв. Эн керг-үүлдвр академик Эрдниевин йирн насна өөнд нерәдгдв. Әрәсән номин ачта үүлдәчиг энүнә сурһульчнрнь, хамдан көдлжәх улс халунар йөрәв. Номт Эрдниевин үүдәсн УДЕ-е эв-арһиг Әрәсән сурһулин заведеньст болн һазадын ордудт сәәнәр олзлжана. Йирн нас зүүв чигн академик Эрдниев ода чигн чанһ-чиирг, заглюн. Дорас өсж йовх баһчудт байн дамшлтан өгчәнә.
