Иргч жилд Элстд сән чинртә уудг усн ирх
Хальмг танһчин әмтн сән чинртә уудг усар иргч хойр минһн арвн дөрвдгч жилд тетгдх. Уудг усн Ставропольск крайин Ар Левокумск усна булгас Ик-Буурла усна сурвлжар ирхмн. Элст балһснд дөчн хойр дуунад усна сурвлж тетх кергтә. Обьект федеральн программар күцәгджәнә. Энүнд тавн жува арслнг олзлгдх.
Элст балһсна райодт турва углж тәвлһнә көдлмш дегц арвн хойр бригад күцәжәнә. Эн арвн дууна турван әнг хотл балһснас хол биш бәәнә. Энүнд һурвн дуунад турва тәвх көдлмш үлдв. Болв эн һазр тиньгр биш болад, энүнд көдлхд амр биш гиж прораб Геннадий Бадма-Горяев келнә.
Иим көдлмшлә зерг тосхачнр бетонн көдлмш күцәжәнә. Эднә келсәр, ода деерән тенгрин таал көдлмш кехд боомтг болжахш. Зуг киитрхлә бетонн көдлмш кехд күнд болх. Элст балһснд дөчн хйор дуунад усна сурвлж татх кергтә. Эн көдлмш бүклдән иргч жилин хойрдгч кварталд төгсх зөвтә. Обьектин тосхлт федеральн программар күцәгджәнә. Энүнә төлә тавн жува арлснг кергтә. Жил ирәвс тосхлтын көдлмш делрглт авчана. Мөнгн цаглань ирхлә иим кевәр көдлмө цаарандан чигн кегдх.
“Калммеливодхозин” директорин дарук Борис Эрдниевин келсәр, ода дөрвн шаху жувар арслнг олзлгдв. Эннь ик мөнгн. Эн жил ирсн нег жува һар арслнгас нәәмн зун тәвн сай арслнг олзлгдв. Мөнгәр тетклһнә халхар боомтг учрсн уга. Мөнгн эрт ирв. Иргч жилд мөнгн ирхинь күләжәнәвидн. Тиигхлә тосхлт цаглань кегдх.
Усна сурвлжна залһлдан ямаран халхас мөнгәр теткхнь ода медгджәхш. Эн көдлмшиг иргч жилд эклх саната. Ода чигн цаг бәәнә. Эн төриг федеарльн кемжәнд һарһад хаһлх кергтә болжана. Эн өдрмүдт электрокүчәр тетклһнә обьектмуд шинрүлж ясгджана. Иим көдлмш насосн станцд завср угаһар электрокүч өглһнә төлә кегджәнә. Ик-Буурла районд бәәх иим оборудовань ода бас шинрүлж ясгджана. Ода Левокумск усна чинрнь өрәл жилд нег дәкж авч шинжлгджәнә. Специалистнрин келсәр, уудгу сн кергтә кемжәнлә ирлцжәнә. Нег үлү, эндәс авх усн цеврлһнд орх. Элст балһсна улст Левокумск усна булгас ирх усн шин хойр ик савд хадһлгдх. Ик-Буурла усна сурвлж эдлврт орулхла мана танһчд уудг усна төр хаһлгдх. Сән чинртә уудг усар Приютненск болн Ик-Буурла райодын әмтн теткгдх. Ода болхла селәнә улс Чоһарн боодгас ус уужана. Иим усн санитарн кемжәнлә ирлцжәхш. Элст балһсна улст болхла Баяртинск болн Деед Яшкулин усна булгас уудг усар теткгджәнә. Энүнә оборудовань хуучрад, дару-драунь эвдрнә.
Ээнән Ольга, Котина Валерий
