5 сентября 2013, 13:05
Игорь Зотов арһлачнрла харһв
Эндр танһчин правительстин ахлачин кабинетд Игорь Зотов Хальмгин арһлачнрла харһлт кев. Баһ болн дунд бизнесин элчнриг үүмүлжәх төрмүдәр күүндвр болв. Тер тоод амрлһна өдрмүдт дангин үүлдг яарм бүрдәлһнә төр босхгдв. Зәрм арһлачнрт документац белдлһнд боомтг учрна. Эднә медүлсн цуг төрмүдиг премьер-министр эврә бүртклндән авад, удл уга хаһлх үгән өгв.
Эндр Хальмг танһчин толһач Алексей Орлов Әрәсән спортын министр Виталий Муткола харһлт кев. Энүнә йовудт танһчин спортын обьектмудын тосхлт төгсәхин туск зөвшәл батлж авгдв. Тер мет район болһнд физкультурн комплекс бүрдәлһнә төлә мана танһчд мөнгн ирх. Виталий Мутко келсәр, эн жил Элст балһснд тосгджах спортын бәәшнгин тосхлт төгсхмн.
Голосование за победителя в номинации «Приз зрительских симпатий»
