Алексей Орлов Сарпинск районд одв
Ода эн болн талдан төрмүдин тускар тодрхаһар. Танһчин толһач Алексей Орлов Сарпинск районд көдлмшин кергәр одв. Района цутхлнг селәнә школд дула өглһнә автономн котельн байрин бәәдлд эдлврт орулгдв. Тер мет капитальн ясвр кегджәх дошкольн учрежденьд Алексей Орлов одв. Энүнә тускар мана зәнгч Ээнән Ольга келжәнә.
Ода котельна көдлмш бүклдән автоматическ кемжәнд орулгдв. Энд оператор оньдин бәәх керг уга. Селәнә школд иим өдгә цагин некврлә ирлцәтә комплекс олзлхла мөнгн әрвлгдх. Школын директор Галина Цымбалован келсәр, энүнә өмн нег жилдән дула болн электрокүч олзлсна төлә нег сай һар арлснг өгх кергтә бәәсмн. Иим мөнг эрдм-сурһулин учрежденя бюджетас өгх кергтә билә. Ода болхла дулана кемжә эврән тогтах арһ учрв. СНХ Галина Цымбалован келсәр, кемр һаза үвлднь дулан болхла, школд халун болдг бәәсмн. Терз-үүд секх кергтә. Ода болхла эн төр хаһлгдв.
Автономн газин котельн байрин бәәдлд секснә хөөн танһчин толһач Алексей Орлов спортивн зал болн школын талдан чигн кабинетмуд эргәд хәләв. Энүнд терх-үүд сольх кергтә, шин пол делгх төр тәвгджәнә. Далн тавдчг жилд тосхсн школын герт капитальн ясвр кегдәд уга. СНХ Алексей Орловин келсәр, Садовое селәнә негдгч болн хйордгч школмудын тускар шиидвр авгдх. Дөчн жилдән школмудт капитальн ясвр кегдә уга бәәж. Эн төриг халһх кергтә.
Капитальн ясвр кегджәх бичкдүдин садт көдлмш төгсж йовна. Хойр долан хонг болад нааран Садовое селәнә найн көвүн-күүкн орж чадхмн. Энд немр хөрн дөрвн орм секгдв. Дошкольн учреждень шинрүлж ясхин төлә хойр сай арлснг олзлгдв.
Уманцево селәнә школ эн жил эврә көлгн-күчтә болв. Ода сурһульчнр олн-зүсн керг-үүлдврмүдт һарч йовх арһ бәәнә. Нег үлү, сурһулин заведеньд туристическ зөрүлт күцәгджәнә. Тегәд сурюульчнр болн багшнр танһчин керг-үүлдврмүд эрк биш орлцх зөвтә.
Келхд, школьн автобусиг селәнә бәәрн әмтн бас олзлж чадх. Ода автобус йовлһна үн болн график кегджәнә. Алексей Орловла болсн күүндврин йовудт селәнә әмтн уудг усна төр босхв. Эн төр селәнә улсиг ик кезәнәс авн үүмүлжәнә. Тер мет мобильн залһлдана чинрнь му болжана. Тер мет күч-көлснә ветеранмуд болн багшнр олн сурврмуд өгв. Лайф Алексей Орловин темдглсәр, танһчин правительств болн һардачнр селәнә улсиг дөннд, эднд бәәхтә жирһл бүрдәхәр зүткжәнә.
Сарпинск районд көдлмшин кергәр одсна ашин диглхләрн селәнә улсин босхсн төрмүдиг хаһлх кергтә гиж Алексей Орлов темдглв. Иим төрмүд хаһлсн цагт селәнд тогтсн бәәдл тоод авад, девснг-девснгәр энүг хаһлх кергтә.
