Христосин Крещеня байр эндр темдглгдв
Эндр Иисус Христосин Крешеня байр. Казанск кафедральн чонжд эн сө ик мөргүл болв. Өрүһәр болхла Элстин болн Хальмгин епископ Зиновий ус әрүслв. Православн шажар, эн өдр Бурхн деерәс бууж ирәд, олн улст йоста герл өгсмн. Ветхий завет нертә шүтәнд эн өдр әрүслсн усн ик чинр зүүнә гиж бичәтә. тегәд чигн Крешеня байр бас аһу ик чинр зүүнә. Эн өдр киитн уснд өөмсн улс цогц-махмудан батрулна, ухан-санаһан цеврлнә.
Крешеня байрин һол үүлдврнь — әмтн һурв дәкж уснд орад, өөмнә. Эннь Иисус Христос һурвн өдртән модн яаршгд бәәсн темдг болжана. Энүнә хөөн Бурхн әмдрж. Христиан улсин итксәр, Христосин Крешеня өдр Иордан һолын усн әрүн болна. Тегәд чигн январин арвн йиснд сөөһин мөргүлин хөөн, православн шажнд шүттг зәрм әмтн һурв дәкж киитн уснд орна. Энүнә ашт иим авьяст орсн улс килнцәс гетлнә гиж тоолгдна. Орсин гелнгүдин келсәр, иим уснд ик мөргүлин хөөн шууган угаһар орх кергтә.
Иим киитн уснд хамгин зөрктә улс орв. Бовл арвн-арвн тавн минут болад, талдан гәмтн бас өөмхәр шиидв. Чеерүд баһ саһар баһрв. Эн зангшал күцәхәр талдан чигн шажнд сүзглдг улс ирж. Эднә көл даарв чигн, эдн цугтан инәмскләд, байрта бәәв. Блиц хойрдад иржәнәв, көвүн дахулад ирж. Йир икәр таасгдв.
Энд тенгрин бәәдлин таал дегд сән болсн уга. Урдк жилмүдт иим авьяст орлцсн әмтн энүнәс киитн болх гиж күләжәж. Тер бийнь иим авьяс эднд таасгдв. Хойрдад иим уснд оржанав. Дегд сән болна. Калмык Иим авьяс таасгдв.
Энд көдлжәх харсачнр тагтд деер зогсжах улсиг чанһар хәләж бүрткжәнә. Эн жил боодгт мөсн уга болв чигн, иим киитн усн орхд бас әәмшгтә. Нег үлү, иим киитн уснд ода орж болшго. Тер бийнь Крешеня байрин өдр уснд орхла зөвәр әәмшгтә. Көл нүцкәр киитн тагд деер зогсхла цуг тоот мартгдна. Уснд орхин өмн невчк ухалжаһад орнач. Киитн уснд оржаһад, энд-тенд хатхсн болж медгднә. Хөөннь Крешенск купельд цогц-махмударн бүклднь уснд орхла, йир сән болж медгднә. Уснас һарч ирхлә, киитн болж тас медгдхш. Элстин болн Хальмгин епископ Зиновий келсәр, эн ик байрин өдр деерәс уснд әрүслгднә. Бидн Иисус Христосин ардас цогц-махмудан цеврләд, крешеня евәлиг шинрүлжәнәвидн. Тегәд иим киттн уснд орсн улс бийәнь, ухан-санаһан бас цеврлжәнә.
Эмчнрин тоолврар, иим уснд болһаж орх кергтә. Иим кевәр өөмхлә, күн царцшго. Зуг соктуһар киитн уснд орж болшго, терт мет царцад гемжәсн цагт бас өөмх керг уга. Эндр Колнск боодгт эс өөмсн әмтн һалын өөр бийән дулалад, халун цә ууһад, әмтәхн хот-хоолар тоогдв.
Дмитрий Ивахненко, Бадмаран Владислав
