Ергенинский селәнә өөр тәәж Тундутовин суврһ бәрх зура бәәнә
Әрәсән Президент Дмитрий Медведевин зәрлгәр, хойр минһн арвн хойрдгч жил туужин жил гиж зарлгдв. Эн жил нег минһн йисн зун арвн хойрдгч жилин дәәнд Әрәсә диилвр бәрсн хойр зун жилин өөн күцжәнә. Тер дәәнд Хальмгин келн-улсин элчнр Жамб тәәж Тундутов, Сербеджап Тюмень, Мекля Сахалов, Казик Бухарев, Цаһан Хаалһ болн нань дәәчнр баатр-зөрмг кевәр дәәлдсмн.
Эн һазрин нуувч домг үйәс үйд дамжулж өггдг бәәж. Ергеня теегт нег эргд алдр Жамбо тәәж Тундутов оршагдсн бәәж. Ода болхла энтн домг биш, эннь мел үнн. Энүг мана өвкнр ямаран чигн күнд түрү цаг болв чигн, маднд хадһлад, ода медүлжәнә. урднь Тундутовин нериг ил келж болдг бәәсмн. Советин йосна цаг хальмг улсин алдр үүлдәчин өршавриг хамхлв, болн олну лсин санл билрүлж чадсн уга. Оад Көтчнрә района бәәрн медәтнрин келсәр. иим күүнә санлыг мөнкинд мартж болшго. Ода эдн суврһн музей бәрх саната.
Нег минһн нәәмн зун арвн хойрдгч жилин төрскән харсгч дәәнә баатр Жамб тәәж Тундутовин тускар Нимя Ширектеев бичкн цагтан сонссн бәәж. Тиигхд Күүкә Ковункаевин тодлсиг баһчуд дмг кевтә сонсж, Ковункаевин тоолврар, кесг жил болад, тәәжин суврһн бәәсн һазр олдхла, бәәрн әмтн икәр өврв.
Тер мет эндр Ергенинский селәнә медәт Үлмж Баракаевиг бас тодлв. Эн көгшә хальмг улсин кезәнк хуучн авьяс домг сәәнәр меддг күн бәәж. Александр овкаджиев билгтә күүнәс тәәж Тундутовин тускар олн соньн тоот медж авсмн.
Энүнә келсәр, Наполеонла болсн дәәнд халмьгин мөрнә церг орлцснь энүнд ик бахмж болв. Мөрнә цергт дәәлдсн хальмгуд төрскн һазран харсад, баатр зөрмг кевәр дәәлдсмн. Тер мет Жамб Тундутовин тускар сонсад, энүнә баатр йовдлар бас бахмж кев. Келхд, тәәж Тундутов тер дәәнд нег полк һарджасн билә. Энүнә церг Францин хотл париж түрүн болж орсмн. Парижин бәәрн әмтн темә унсн өвәрц церг үзәд, икәр өврж. Ода болхла уйн наста сурһульчнр тәәжин тускар бас ик бахмжтаһар келж өгчәнә.
“ВЕГА” нертә школын организацин энд тосхгдх суврһн бас арһ-чидләрн нөкд болх саната. Ода эдн Ергеня һазрин алдр дәәчин тускар материалмуд хураж авчана. Энүнә ашт бичкн дегтрмүд барлгдх. Тер мет сурһульчнр эврәннь селәнә медхтнрлә, танһчин номтнрла, журналистнрла харһлтс кех зурата. Ода болхла буйнч седклин концертд белдвр кегджәнә. Эн соньн концерт Элст балһснд манһдур болх. Иим кевәр дорас өсж йовх баһчуд аолдр өвкнриннь тус санлыг мөнкрүлжәнә.
Чучян Валентина, Очра Сергей
