Хальмгин университетд хам-хоша бәәх балһсдын болн талын һазрин көвүд-күүкд сурһуль дасчана

Жил ирвәс мана Хальмгин деед сурһульд ном дасх саната улсин то өсәд йовна. Университетд зуг мана танһчин баһчуд биш, хам-хоша бәәх балһсдын болн талын һазрин көвүд-күүкд сурһуль дасчана. Хальмгин деед сурһулин ректор Бадм Салаев мана университетд сурһуль дасхар ирсн баһчудла харһлт бүрдәв.

Хальмгин университетд зуг мана та3һчин баһчуд биш, хам-хоша бәәх балһсмудын болн талын һазрин көвүд-күүкд сурһуль дасчана. Эн жил Хальмгин Деед сурһульд Монһлас, Өвр Монһлас, Китдәс, Казахстанас, Шинжәнәс болн Киргизстанас баһчуд сурһуль сурхар ирв. Ут тоодан 70 күн шаху. Мана университетд баһчуд программистын, филологин, химин эрдм дасчана. Зәрм баһчуд нег жилин туршарт хальмгин университетд сурһуль дасх, наадскнь болхла тавн жилдән энд ном дасад диплом авх. Эн харһлтд Китдын, Барун Монһлын болн Конго орн-нутгин баһчуд орлцв. Ректорла болсн күүндврт көвүд-күүкд түрүн долан хонгт Хальмг Танһчд бәәснә тускар келж өгв. Келхд, харһлт китд, хальмг болн францин келәр болв. Энүнә йовудт көвүд-күүкд Бадм Салаевд ханлтан өргв. Хальмгин хотл балһсна туск тодлврмударн хувалцв.

Эн баһчуд зурһан сарин эргцд мана университетд орс кел дасх. Хөөннь дурта эрдм шүүж авад, номан цааранднь гүүдүлх. Барун Мо3һлас ирсн Әрүн Туя, Номундарь болн Сәәхн Цецг хальмгт дипломан авад, төрскн орн-нутгтан багш болж көдлх саната.

Ода цуг эн көвүд-күүкд шишл3 программар орс кел дасчана, мана сойлла, Элст балһснла таньлджана.

Келхд, эн сарин чилгчәр хальмгин деед сурһульд ном дасхар Швейцарин болн Японя оютнр ирх. Февраль сард болхла Кореин орн-нутгин баһчуд бас мана университетд сурһуль дасх.

Шаран Баира, Дукмана Николай