Хальмгин эмчнр Әәдрхнә эмнүлин учрежденьст дамшлтан өөдлүлжәнә
Хальмгин эмчнр Әәдрхнә эмнүлин учрежденьст дамшлтан өөдлүлжәнә. Иим сурһуль кехин төлә шишлнг программ тогтагдв. Энүнд медрл авсн деерән, дамшлтын кичәлмүд бас болна. Семинарин хөөн декабрин чилгчәр, хөрн долан эмч ирлцнһү сертификат авх. Иим документар эдн нарколог, диагностикин эмч болн олна дамшлтын эмч болж көдлж чадх. Хальмгин эмчнр һурвн сардан дамшлтан өөдлүлх. Әәдрхнә клиникин специалистнрин келсәр, эмчнр урднь медрл авсн болхла иим болзгт дамшлт өөдлснь дигтә болх. Шин эмчнр сәәнәр көдлж чадх. Александро-Мариинск больницин ах эмчин дарук Борис Гринбергин тоолврар, иим нөкцлт хойр халхд туста болх. Иим сурһулин йовудт эмчнр дамшлтарн хувалцна. Юнгад гихлә, хальмгин эмчнр дунд һучн жилдән көдлжәх специалистнр бәәнә. Келхд, иим сурһуль дасхин төлә нег күүнд һучн минһн арслнг кергтә. Иим керг-үүлдвр эрүл-менд харлһна халх шинрүлһнә программар кегджәнә. Эмчнр Әәдрхнд федеральн бюджетас ирсн мөнгәр сурһуль дасжана.
