Хальмгин деед сурһуль китд келнә долан хонг эклв

Хальмгин государственн университетд китд келнә долан хонгин керг-үүлдврмүд эклв. Эн керг деед сурһулин филиал Конфуцин нертә институт секснә тавдгч өөнд ирлцүлж күцәгджәнә. Ода китд келн болн китдин сойлар олн оютнр сономсдг болв. Баһчуд китд кел һазадын орна келн гиж шүүж авад дасжана, зәрмнь эврән кел дасх саната. Талдан оютнр болхла Китдин орн-нутгт одад келнә дамшлт хоршажана.

Хар Һазра района аһуд кесг жилдән зарһас бултсн бәәрн кү полицин көдләчнр бәрж авв. Тер өдрин бийднь полицин көдләчнр саглулгч рейдын йовудт Ик Буурла района нег поселкд залу кү бәрж авв. Федеральн хәәврт бәәсн Орловск областин тәвн нәәмн наста күн бәргдв гиж энүнә документ хәләсн хөөн илткгдв. Бәрж авсн улс дотр-дундын кергүдин территориальн органмудт орулгдв, эдниг хәәжәсн органмудт зәнг йовулгдв.

“Ни хао”. Эн китд келәр мендвт гидг үгиг олн әмтн сәәнәр меддг болх. Йирн нәәмн минһн иероглиф меддг арһ уга. Тер бийнь сүл цагт китдин сойлар олн улс соньмсдг болв. Хальмгин государственн университетд китд келнә болн сойлын долан хонгин керг-үүлдврмүд эклв. Эн керг-үүлдвр хальмгин университетин филиалын Конфуцин нертә институтын тавн жилин өөнлә ирлцүлж давулгджана. Энүнд оютнр китд кел дасад, эн орн-нутгин сойлла болн зангшалла өөрхн таньлджана.

Конфуцин институтын директор Хугцелту келсәр, Конфуцин институтын улд китд келнә сурһуль бүрдәгдв. Шишлнг программар хамгин сән оютнриг шүүж авад, Китд орн-нутгт сурһуль дасхин төлә йовулна.

Институтын көдлмшин нилчәр китд кел дасжах оютнр Китдин орн-нутгт болн Өвр Монһлд одад келнә дамшлтан хоршаж чадна. Китдин баһчуд болхла нааран ирәд танһчин деед сурһульд орс кел дасжана. Сүл жилмүдт иим көвүд-күүкдин то өсәд йовна. Эн жил мана университетд зун күн оср кел дасхар ирв.

Александра Казакован келсәр, эн жил Китд орн-нутгт ода ирв. Тенд цугнь таасгдв, эдниг сәәнәр тосж авч.

Алтана Бевеликован келсәр, китд кел дасх кергтә. Иргчдән кел сәәнәр дасад, эрдм авх саната, жирһлин хаалһан эн эрдмлә залһх санан бәәнә.

Хальмгин университетд болжах китдин долан хонгин йовудт олн-зүсн мастер-классмуд болх, семинармуд бүрдәгдх, тер мет соньн марһас болн үүдәгч керг-үүлдврмүд зуралгдв.

Конфуцин институтын китд келнә багш Ду Хуань келсәр, Конфуцин институтын штаб-гер эдниг нааран йивулж. Энд китд кел дасхжанавидн. Эннь Китд болн Әрәсән хоорндк залһлда батрулх зөвтә.

Өдгә цагин Китдин орн-нутгт күсдунджур жува күн бәәнә. Энд хамгин ик балһсд тосхгдв, байн зангшал авьяс хадһлгджана. хальмг танһчин болн Китд орн-нутгин хоорндк хәрлцән жил ирвәс делгрлт авчана. Хойр халх нег негнәннь сойл байжулад, иньглт батрулжана.

Елена Алексенко, Эрнжәнә Эрднь