Хальмгдт зер-зев хулддг нарт-делкән баг бәргдв
Эндр өрүн маднд зәнглсәр, әәмшг уга бәәлһнә федеральн заллтын давулсн керг-үүлдврин йовудт зер-зев хулддг нарт-делкән баг бәргдв. Әрәсән өмн үзгин дотр-дундын министерствин һоллгч заллтин бүрдәсн керг-үүлдврт Хальмг танһчин болн Волгоградск областин әәмшг уга бәәлһнә федеральн церглтин көдләчнр орлцв. Оперативн то-дигәр зер-зев хулддг багд урднь засгла харһулгдсн Хальмг танһчин бәәрн улс орлцж йовсмн. Эдн нег сай арслнга зер-зев хулдхар зуралжасмн. Болв бачм кепг-үүлдврин ашт эн әәмшгтә йовдл зогсагдв.Бачм церглтин көдләчнр күн болһна ардас нуувчинәр хәләһәд кесгтән шинжлсмн. Эн керг-үүлдвр хар-һазра района Комсомольск селәнд давв. Зер-зев хулдад мөнгән авчасн цагтан зака эвдсе улс тер дарунь бәргдв. Эн баг улс дунд мана танһин һурвн бәәрн күн йовсмн. Өдгә цагт эдн цугтан бәрәнд авгдсн бәәнә. Әрәсән закана уголовн кодексин 222 стаьяһар эдн тавн жиләс авн нәәмн жил күртл түүрмд суулһгдхмн.
