Хальмг танһчд экин сән өдр темдглв
Давсн амрлһна өдрмүдт Элст балһснд болн танһчин цуг райодт экин сән өдр темдглглв. Эн байриг цуг әмтн дурлж темдглнә. Экдән нерәдгдсн ханлтын үгиг бидн өдр болһн келж, экин зүрк ханһах зөвтәвидн. Күн болһнд эк хамгин хәәртә болн энкр күн болдгнь мөн. Күүкд күн эк болхларн өршәнһү седклтә, тесслтә болна, үрндән ик килмжән тусхаж өскнә. Эврәннь үрдүдән өскхләрн, сән сурһмж өгәд, жирһлин чик хаалһд орулхар дангин шунна. Эн өдр балһсна сурһульчнр өнчн болн эрмдгтә көгшдүдин герт байрин концерт үзүлв.Үйн наста артистнриг медәтнр байртаһар тосв. Хуучн цагин дуд дуусн кемд дахад дуулцхав.
Концертин хөөн медәтнр нег негнләрн ухан тооларарн хувалцад бацрлв. Медәтнрин келсәр иим харһлтс чинән чидл өгнә. Нег үлү гиичд күүкд ирхлә байр хойр дам сән болна.
