Грипп болн ОРВИ гемәр гемтлһнә улсин то өсжәнә

Грипп болн ОРВИ гемәр гемтлһнә бәәдл мана зәнгчнрин оньгт бәәнә. Роспотребнадзорин темдглсәр, ода Әрәсәд эн гемәр гемтлһнә то өсжәнә. Хальмг танһчд ода деерән иим гемәр гемтлһнә то әәмшгтә кемжәнәс давад уга. Тер бийнь специалистнр эн долан хонгт гемтә улсин то өсв гиж илткв. Давсн долан хонгла дүнцүлхлә, иим гемәр гемтсн улсин то хөрн дөрвн процентд икдв. Сүл долан хонгт ОРВИ гемәр нег минһн һурвн зун күн гемтж. Тер мет сүл һурвн долан хонгин эргцд Б нертә грипп тархагджахнь лабораторн шинжлт медүлв. Сүл цагт Әрәсәд иим гемәс көлтә дөчн күн өнгрв, эднсә уһчн тавн бөдүн күн, тавн бичкдүд. Һучн йисн өнгрсн күн грипп гемәс гетлүлгч тәрлһ авсн уга бәәж. Хальмг танһчд иим йовдл илткгдәд уга.