28 января, 12:29
 4 °C
91,22
75,04
  • ВЕСТИ
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

“Голос нации” дууһин марһан болжана

“Голос нации” нертә марһана товчлгч девснгд дөрлдх баһчудн нерн медгдв. Көгжмин халхар болн актерин эрдмәр хамгин билгтә көвүд-күүкд дундас Хальмгин государственн университетин оют Армель Мбуй йилһрв.

Эн жилин мартын эклцәр болсн “Голос нации” марһана шүүврин девснгд Армель Мбуй эн ду дуулв. Тер мет жюрин оньгт Армель "Бэлль" нертә композиц тусхав. Энүнә билг олн улст таасгдв. Тер мет марһана товчлгч девснгд энүнлә хамдан арвн хойр дууч билг-эрдмән үзүлх. Армелин келсәр, ду дуулхдан бичкнәсн авн дурта, өрк-бүлин нәәрт, школын байрт оньдин дуулдг билә. Дууна марһанд болхла түрүн болж орлцжана.

“Голос нации” марһана орлцач Армель Мбуй келсәр, марһанд орлцхд күнд болв. Олн баһчуд билг-эрдмән үзүлхәр ирж. Дурта эрдмән сәәнәр үзүлхин төләд цуг арһ-чидлән агсх кергтә болв.

Хальмг танһчд Армель ирәд хойр жил болжана. Эн цагин эргцд орс кел невчк дасж авв. Тер мет францин, англь кел сәәнәр меднә, одахн хальмг кел экләд дасжана. Хальмг кел дасхд амр биш болна гиж эн келнә. Марһана талдан орлцачнр үгмүд чикәр келхд дөн болжана. Ода деерән Армель хальмгар цөн үгмүд меднә. Тер бийнь баһчудт таасгдсн марһанд диилвр бәрхин төлә Хальмг күүкн нертә ду дуулхар шиидв.

Ода Армель Хальмгин университетин экономическ факультетд негдгч курст сурчана. Көгжмәс нань спортд, театрт дурта, нәәжрнтәһән хәрлцхдән болн дегтрмүд умхдан дурлна. Хальмг келн-улсин сойлла өөрхн таньлдхин төлә эврәннь нәәж Амулнгта хамдан “Девичья честь” нертә наад хәләхәр зуралв. Хамдан цуглрад, хальмг цә ууһад, бүлән-күр күүндвр кедг авьяс сән зангшалд тохрв.

Интернациональн иньглтин клубын көдләч Амулнг Лиджиеван келсәр, Армель йир дааврта күн, көгжмд дурта. “Голос нации” марһана товчлгч девснгд орлцх зөв авснь сән күцәмж болв.

Онц темдглхд, марһана түрүн тооцана концерт болн байрин бәәдлд секлһн апрелин доланд болх. Энүнд “Голос нации” марһана товчлгч девснгин орлцачнр “Легато” багин ду дуулх.

Ээнән Делгр, Настан Сергей

 Читайте наши новости в Одноклассниках!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия