Эндр Иисус Христосин Крешеня байр эклв
Эндр православн шажна хамгин ик чинртә байрин негнь — Иисус Христосин Крешеня байр эклв. Әрәсән болн Хальмг танһчин цуг чонжст ик мөргүл болжана. Зәрм православн әмтн болхла тогтсн авьясар, усна боодгудт одад, өөмжәнә. Крешенск усн әмт эмнүлдг чидлтә гиж тоолгдна. Крешеня байрт уснд өөмхлә, күүнә ухан-санан цеврднә, цогц махмуд гемәс гетлнә. Элстин епархийн үүлдәчнр цәәлһсәр, иим кезәнк келн-улсин авьяс бәәнә. Иим зангшал орс улсин занг-авьясла өөрхн залһлдата. Зәрм улс шажна чинртә гиж тоолна. Тегәд православн шажнд цуг улс байрин өдр уснд өөмх неквр уга. Уснд иим кевәр өөмәд, цуг килнцәс гетлж болшго гиж орсин гелнгүд келнә. , арһсн килнцәс нилх әвшлсн цагт эс гиж чонжд ирәд зальврсн цагт гетлж болх. Нег үлү, зуг чонжд әрүслсн усн йоста әрүн усн гиж тоолгдна. Дәкәд болхла ус әрүслһнә зангшал январин арвн дөрвнд болна. Эн өдр әрүслсн усн үрхш болн нег жилдән улст туслж чадна гиж тоолгдна. Эндр танһчин православн шажна цуг улсиг ик байрла Элстин болн Хальмгин епископ Зиновий йөрәв.
