Эндр Хальмгин олн-әмтнә хуралын сессь болв

Эндр Хальмгин олн-әмтнә хуралын зурһадгч сессь болв. Энүнд депутатнр танһчин бюджетин туск, экономическ политикин болн арһлачнрин делгрлтин төрмүдәр күүндвр кегдв. Эндр депутатнр Хальмг танһчин улсин социальн бәәдл ясрулх ик чинртә зака батлж авв. Эн жилин июлин нег шинәс авн бичкдүдин дөнцл мөнгн хойр холванд икджәнә. Урднь өггджәсн зун хөрн тавн арслнгин ормд хойр зун арлснг өггдх. Үрән һанцхарн өскжәх экнрт дөрвн зун арлснг өгх, цергт церглжәх улсин бичкдүдт болн алимент эс авчах экнрт һурвн зун арслнг өггдх. Хальмг танһчд долан жилдән льготн таалд "Лукойл" нефтин компань мана танһчин аһуд удл көдлмш эклхин туск закан батлж авгдв. Энүнә өгсн алвна кемжән нег жилдән һурвн зун арвн тавн сай арслнг тогтах.