Эндр өдр хот холын үн ик болжана аль угай?

Зунын кем ик бичкн угад таасгдна. Дигтә эн цагла олн улсиг дулан өдрмүд, дәкәд зер-земш, тәрә-темсн урһад байрлулна. Болв өдгә цагт эднә үн йир ик болжана. Олн әмтн зер земшәс, тәрә темснәс үвлин цагт иддг консерв кенә.

Найн нәәмн нас зүүж йовх Салан Буллһн һанцарн бәәнә. Сар болһн авсн пенсь комунальн туслмжин болн эм хулдж авлһнд күртхш гиж медәт зовлнгарн хувалцжана. Үлдсн мөнгәрн делгүрт йовад тосан, үсән хулдж авна. Мах, тәрә темсн, зер земш хулдж авх мөнгн күртхш.

Салан Булһн базрт ирәд — чи хулдж авхар седлә, энүнә үнн зун найн арслн күрчәнә. Энүг хулдж авхин ормд зурһан кило боднцг хулдж авх болжана. Мөнгн уга болад дөрвн хаяр медәт хулдж авсн билә.

Үвлин хөөн күн болһна эрүл менднь муурна, тегәд зунын цагла олн әмтн урһсн тәрә темсн, зер земш идх зөвтә, энүнд витамин дала.

Ольга Веретенникова эврәннь һарудтан олн зүсн зер земш, тәрә тем сурһна. Өдр болһн базрт ирж энүг хулдна. Үнтә болв чигн әмтн авна. Тер юнгад гихлә тәрә темсән эн күүкд күн эврә һарудтан урһсн билә, тегәд эннь әмтнд таасгдна. Талдан регионас авч ирсн тәрә темсн амтн уга болна гиж Ольга Веретенникова келв.

Өдр болһн базрт хулдг хот хоолын үнн кен тәвнә? Эн сурврин хәрүһинь маднд Хальмг Танһчин статистикин цергллтин ахлач Литвина Екатерина келж өгсн билә.

Литвина Екатеринан келсәр цөн өдр хооран хавстн йир үнтә билә, сүл өдрмүдт күсдүндүр % кимдрв, эн өдрмүдт шар луувн, мәнгрснә, боднцгин үнн арвн тавн процентас хөрн процент күртл өссн билә. Талдан регионмудас авч ирсн зер земшин үнн бидн бүрткж хәләнәвидн гиж Хальмг Танһчин статистикин цергллтин ахлач келв.

Өдр болһн хот холын үнн сольгдна. Талдан регионмудас авч ирсн болн эврәннь һарудтан тәрсн зер земшән, тәрә темсән арһлачнр кимдәр хулдхар седхш. Эн туст Бичкн пеньс авчах медәтнр хот холл үнтә болад хулдж авхш. Тегәд эн төрәр мана ахлачнр ухалх зөвтә.

Азыда Надежда, Хавтхна Анатолий