Элстин сурһульчнр волейбольн марһанд орлцжана

Эндр Элст балһснд хотл балһсна эрдм-сурһулин учрежденьсин сурһульчнрин дунд волейбольн марһан эклв. Энүнд арвдгч-арвн негдгч классмудын көвүд-күүкд орлцжана. Эдн дөрвн багар хувагдж дииләчән йилһжәнә. Негдгч багд Элст балһсна олн халхта гимназин, арвн доладгч, арвн нәәмдгч болн хөрдгч школмудын командс дөрлдх. Хойрдгч багд орсин келн-улсин гимназин, хойрдгч, нәәмдгч, арвн тавдгч болн хөрн һурвдгч школымудын элчнр наадх. Һурвдгч багд Элстин классическ гимназин, арвн хойрдгч, арвдгч болн хөрн негдгч школын волейболистнр дииләчән йилһх. Дөрвдгч багд Хальмгин келн-улсин гимназин, һурвдгч болн дөрвдгч школмудын спортсменмүд наадхмн. Шүүврин марһан эн долан хонгин чилгәчр төгсх. Товчлгч наадд иргч амрлһна өдрмүдт болхмн.